VOV4.Êđê- Hruê 24/11, Lâm Đồng ngă leh bruă tlŏ vaccine gang mkhư̆ Covid 19 kơ phung hđeh ti 38 boh sang hră gưl tlâo lehanăn anôk mtô bi hriăm bruă ti 5 kdriêk, ƀuôn prŏng. Anei jing sa hlăm dŭm hdră msir čiăng brei jih jang phung hđeh lŏ nao sang hră hriăm klă anăp.

Hluê anăn, phung hđeh mơ̆ng 16 truh 18 thŭn ti dŭm alŭ wăl mâo klei ruă Covid 19, mâo ƀuôn prŏng Đà Lạt lehanăn dŭm kdriêk Đức Trọng, Lâm Hà, Đơn Dương lehanăn Lạc Dương mâo mđing tal êlâo hlăm gưl tlŏ mgang anei, hŏng ênoh êbeh 21.300 hnơ̆ng. Anei jing sa hlăm dŭm klei gĭr mơ̆ng anôk bruă mtô bi hriăm čar Lâm Đồng hluê ngă hdră hdĭp êđăp ênang, rơ̆ng kjăp hdră gang mkhư̆ Covid 19, mđĭ ênoh phung hđeh lŏ nao hriăm klă anăp ti sang hră leh sa wưng hriăm online ti sang./.

Pô mblang: H’Nêč Êñuôl