VOV4.Êđê- Aguah mbruê, klei kƀĭn tal 4, êpul gơ̆ng bruă ƀuôn sang čar Lâm Đồng gưl 10 wưng thŭn 2021 – 2026 dưi mkŏ mjng leh. Hlăm klei ksiêm êmuh leh anăn wĭt lač klei ksiêm êmuh, dŭm boh klei djŏ tuôm kơ dŭm klei dôk mâo, bruă ka dưi ngă hlăm klei ksiêm dlăng mơ̆ng knŭk kna kơ dliê, lăn ala, bruă mkŏ mkra, ngăn dŏ, wăl hdĭp mda…

Phung bi ala êpul gơ̆ng bruă ƀuôn sang čar Lâm Đồng bi êdah klei uêñ mĭn kơ bruă mbha čuê, čhĭ lăn leh anăn mkŏ mjing dŭm anôk dôk amâo sĭt ti kdriêk Bảo Lâm leh anăn ƀuôn prŏng Bảo Lộc. Năng mđing hĭn, klei anei mâo sui leh, ƀiădah truh kơ ară anei ka mjưh mdei ôh. Hưn mdah hlăm klei ksiêm êmuh, Trần Văn Hiệp khua bruă sang čư êa čar Lâm Đồng lač klă, čar Lâm Đồng ba mdah leh lu hră gĭt gai kơ dŭm anôk bruă djŏ tuôm ksiêm duah, buah mkra ƀiădah bruă anei ka mâo ôh klei đĭ kyar. Êngao kơ anăn klei anei lŏ lar truh kơ alŭ wăl mkăn.

Pô mblang: Y-Ƀel Êban