VOV4.Êđê- Hruê mbruê 24/11, ti Hà Nội leh anăn Maxtcova mkŏ mjing leh Klei bi kƀĭn online tal 6 mơ̆ng Êpul mă bruă mnuih Việt Nam - Russia.  Nguyễn Văn Hồi- K’iăng Khua Phŭn bruă mnuih mă bruă kahan êka êkeh leh anăn ala ƀuôn Việt Nam hŏng Thiếu tướng Dimitriy Pavlovich Demidenko - Phŭn bruă kriê dlăng bruă knuă, ala čar Russia hrăm mbĭt gĭt gai klei bi kƀĭn, mâo klei nao hgŭm mơ̆ng phung bi ala dŭm Phŭn, dhar bruă djŏ tuôm mơ̆ng dua tĭng. Hlăm klei bi kƀĭn dua tĭng bi mni kơ klei bhiăn bi kƀĭn grăp gưl leh anăn bi mlih tuôr mkŏ mjing Êpul mă bruă, mbĭt anăn bi mklă bruă mđĭ lar tŭ dưn klei bhiăn anei mjing sa hdră bi hgŭm, bi trông klei hâo hưn tŭ dưn plah wah dua anôk bruă kriê dlăng mnuih mă bruă ti dua ala čar ăt msĕ mơh djŏ tuôm kơ klei kriê dlăng phung đuê̆ kdê. Mơ̆ng anăn, hrăm mbĭt tui duah dŭm hdră msir, mđĭ klei bi hgŭm mnuih mă bruă leh anăn hrăm mbĭt ruh mgaih klei dleh dlan mâo hlăm hdră bi hgŭmn. Dua tĭng ăt lač kơ boh klei hră čih Klei kuôl kă iêô jak leh anăn ruah mâo klei mkŏ mjing mnuih ƀuôn sang Việt Nam nao mă bruă mâo wưng kčah ti ala čar Russia.

Pô mblang: H’Zawut Ƀuôn Yă