VOV4.Êđê - Pui kmlă êran hŏng ai angĭn mprăp jing leh sa mta bruă phŭn hlăm hdră bi mlih bruă ba yua pui kmlă ala čar lehanăn bruă mđĭ kyar pral phŭn mkăp pui kmlă anei jing yuôm êdi kñăm bi hrŏ klei bi kbiă êwa jhat mơ̆ng Việt Nam. Anei jing klei bi mklă mơ̆ng phung bi ala nao ti Klei bi kƀĭn trông Mđĭ kyar pui kmlă êran hŏng ai angĭn ti krĭng êa ksĭ kyua hdră ba yua pui kmlă doh hlăm êdei anăp mơ̆ng Việt Nam mâo Dhar bruă Duh mkra gưl dlông lehanăn Êpul hgŭm bruă Pui kmlă êran hŏng ai angĭn tar rŏng lăn mkŏ mjing tlam hruê 16/12 ti Hà Nội. Klei bi kƀĭn trông mâo boh tŭ yuôm bhăn hlăk Việt Nam dôk pŏk ngă dŭm hdră êlan mtrŭn mđĭ kyar bruă pui kmlă, hlăm anăn mâo pui kmlă êran hŏng ai angĭn. Hlăm wang 20 thŭn hŏng anei, hnơ̆ng đĭ kyar kah knar mơ̆ng pui kmlă Việt Nam mâo 10-12%/thŭn, đĭ 1,5 – 2 blư̆ mkă hŏng hnơ̆ng GDP mơ̆ng hdră duh mkra./.

H’Nêč pô mblang