VOV4.Êđê- Ti Hà Nội, Anôk bruă hâo hưn mtô mblang gưl dlông mrâo bi hgŭm hŏng dŭm anôk bruă djŏ tuôm mkŏ mjing Knăm mđup brei klei bi lông ksiêm hriăm kơ knông lăn ala čar hŏng akŏ “knông lăn čar kwar kâo”. Klei bi lông anei kñăm hâo hưn. Bi mklă hdră êlan djŏ klă mơ̆ng Đảng, Knŭk kna leh anăn dŭm klei gĭr mơ̆ng dŭm alŭ wăl hlăm bruă pŏk ngă Hdră răng mgang knông lăn ala čar, boh sĭr pŏk ngă Hdră mtrŭn Klei bi kƀĭn tal 13 mơ̆ng Đảng.  Mbĭt anăn, kơrŭ wĭt ai tiê khăp kơ ala čar, klei ktưn hưn, čŏng mpŭ djuê ana, bi hriăm mđĭ klei thâo săng bruă klam mkŏ mjing leh anăn răng mgang čar kwar hlăm boh klei mrâo. Khă gơ̆ anei jing gưl tal êlâo dưi mkŏ mjing ƀiădah knŏng hlăm wưng bhiâo, klei bi lông iêô jak leh klei hgŭm leh anăn bi lông mơ̆ng 1 ekelăk čô hŏng 2 êk;ăk gưl bi lông hŏng jih jang gưl mnuih ƀuôn sang kơ hnơ̆ng thŭn leh anăn djuê ana. Anôk bruă mđup brei leh klei pah mni kdlưn hĭn, 1 klei pah mni mrô 1, sa klei pah mni mrô 2, sa klei pah mni mrô 3 leh anăn 2 klei pah mni mđĭ ai kơ phung bi lông.

Pô mblang: H’Zawut Ƀuôn Yă