VOV4.Êđê- Tlam mbrue (29/12), ti Hà Nội, adŭ bruă duh mkra mnia mblei Việt Nam mkŏ mjing leh knăm mđup brei anăn knăl “Mniê duh mkra mnia mblei Việt Nam kdlưn hĭn – Đĭng Jô Knuh Mnga Ross Mah”.

Nao hlăm knăm anei, mâo Khua kiă kriê bruă đru čung ba phung ƀuôn sang mơ̆ng Gưl dlông Bùi Thị Minh Hoài; K’iăng khua lăn čar Võ Thị Ánh Xuân, Anăn knăl: “Mniê duh mkra mnia mblei Việt Nam kdlưn hĭn – Đĭng Jô Knuh Mnga Ross Mah” mâo mđup brei kơ 60 čô mniê jing phung duh mkra mnia mblei mbruă hlăm thŭn anei, kñăm čih pioh, mpŭ mni phung mniê thâo duh mkra mnia mblei, amâo mâo mdei thâo gĭr, čŏng tui duah djăp hdră, dưi găn jih klei lông dlăng, mđĭ kyar hŏng klei kjăp. Mơ̆ng anăn mâo klei đru mguôp yuôm bhăn hlăm klei mđĭ kyar bruă duh mkra ala ƀuôn hlăm lăn čar, êjai dôk găn klei ruă tưp Covid 19, lehanăn tuôm hŏng klei yan adiê ngă kyua bi mlih yan adiê./.

Pô mblang: Y-Khem Niê