VOV4.Êđê- Leh 3 hruê mă bruă, tlam 29-12, klei bi kƀĭn kahan ksiêm kluôm ala tal 77 mjưh ruê̆ leh. Blŭ hrăm klah čŭn klei bi kƀĭn, Khua phŭn bruă Tô Lâm mtă kơ kahan ksiêm dŭm anôk bruă, alŭ wăl brei lŏ dơ̆ng mlih mrâo, bi mklă bruă klam klă k;ơ̆ng hŏng grăp anôk bruă, grăp čô knuă druh, lĭng kahan hlăm bruă čung ba mnuih ƀuôn sang leh anăn mkŏ mjing hdră jih jang mnuih ƀuôn sang răng mgang klei êđăp ênang čar kwar; hyuă kjăp bruă hŏng tač êngao, bi hgŭm lu ala čar; Mđĭ hĭn hnơ̆ng jăk, tŭ dưn dŭm hdră ngă bruă.

Khua Phŭn bruă Tô Lâm mtă kơ kahan ksiêm dŭm alŭ wăl brei ktuê dlăng kjăp boh klei, hluê ngă bi jăk dŭm Asăp mtrŭn gĭt gai mơ̆ng Anôk bruă, Knŭk kna, Khua knŭk kna, Anôk bruă gĭt gai ala čar gang mkhư̆ klei ruă Covid-19. Dŭm  anôk bruă brei gĭt gai bi jăk klei duah mă phung ngă soh, rơ̆ng răng mgang klei êđăp ênang Tết Nguyên đán Nhâm Dần.

Pô mblang: H’Zawut Ƀuôn Yă