VOV4.Êđê - Klei bi trông “Mlih mrâo: mkŏ hdră êlan hŏng anôk bruă Việt Nam” kyua hră klei mrâo bruă duh mkra leh anăn đaŏ knăl mơ̆ng Phŭn bruă hdră kčah duh bi liê mkŏ mjing aguah 15/12 ti Hà Nội. Hlăm klei bi kƀĭn, phung thơ̆ng kơ bruă lač: Thŭn 2020, Ênoh mrô mlih mrâo mbruă mơ̆ng Việt Nam dôk tal 42 hlăm 131 ala čar leh anăn krĭng lăn ala, mâo lu klei bi mlih leh đĭ 10 tal yap mơ̆ng thŭn 2015 leh anăn dôk mrô sa êpul 29 ala čar leh anăn bruă duh mkra hŏng hnơ̆ng hrui wĭt. Thŭn 2021, Việt Nam dôk tal 44 leh Êpul bruă kriê pioh klei knhâo dlông rŏng lăn čih ênoh mrô GDP hluê si klei tĭng yap mrâo mơ̆ng Việt Nam. Khăgơ̆ mâo lu klei tŭ dưn năng mđĭ ai, ƀiădah mlih mrâo mbruă mơ̆ng lăn čar adôk lu klei êdu kƀah. Phung bi ala bi mklă: Anôk bruă duh mkra dôk kƀah klei hâo hưn kơ hdră êlan, dŭm hdră đru mơ̆ng Knŭk kna kơ klei mlih mrâo mbruă, anăn ka dưi ba yua ôh klei găl mđĭ lar jăk hĭn dŭm klei găl hlăm bruă mđĭ mlih mrâo mbruă.

H’Zawut pô mblang