VOV4.Êđê - Aguah 14/12, Klei bi kƀĭn grăp thŭn mkŏ mjing Klei bi kƀĭn bruă kƀĭn ala krĭng Asi - Pacific tal 29 (APPF-29) mâo bruă kĭn ala Dhŭng Korea gĭt gai hluê hdră online mphŭn pŏk kdrưh kơăm. Nao hlăm klei bi kƀĭn mâo hlăm brô 150 čô bi ala mơ̆ng dŭm bruă kƀĭn ala hlăm APPF, phung ksiêm dlăng leh anăn phung tuê. Êpul bi ala bruă kƀĭn ala Việt Nam kyua Khua bruă kƀĭn ala Vương Đình Huệ ngă Khua êpul nao hlăm klei bi kƀĭn. Blŭ hrăm kkuh drông Klei bi kƀĭn, Khua mil čhil Dhŭng Korea Moon Jae-in mñă klă, dŭm bruă kƀĭn ala ngă bruă klam yuôm bhăn, bi ala kơ asăp blŭ mnuih ƀuôn sang, mđĭ dŭm hdră êlan kñăm ba dŭm ala čar lŏ wĭt msĕ aguah tlam. Khua mil čhil Moon Jae-in iêô mthưr, dŭm bruă kƀĭn ala APPF bi êdah bruă klam gĭt gai hlăm bruă mprăp kơ sa ênuk mrâo, mbĭt anăn, bi êdah klei čang hmăng, Klei bi kƀĭn APPF 29 srăng tŭ jing jăk siam, đru mkra mđĭ klei bi hgŭm bruă kƀĭn ala lu tĭng hrăm mbĭt bi hgŭm, kơrŭ wĭt êdei klei ruă tưp kyua sa êdei anăp jăk siam hĭn, bi mklă ai ktang mơ̆ng bruă hŏng tač êngao hlăm boh klei ară anei.

H’Zawut pô mblang