VOV4.Êđê- Aguah anei, hruê 8/12, mphŭn pŏk Klei bi kƀĭn tal 6 mơ̆ng Dhar bruă gĭt gai anôk bruă kƀĭn ala gưl XV. Klei bi kƀĭn mkŏ mjing 2 gưl, gưl 1 mơ̆ng hruê 8 – 10/12, gưl 2 mơ̆ng hruê 21 – 22/2021. Ti gưl 1, Dhar bruă gĭt gai anôk bruă kƀĭn ala brei leh klei blŭ kơ Klei čih mkra Hdră bhiăn mkra mlih, thiăm mbŏ dŭm mta klei hlăm Hdră bhiăn Duh bi liê knŭk kna, Hdră bhiăn Duh bi liê hluê hdră knŭk kna – êngao knŭk kna, Hdră bhiăn Duh bi liê, Hdră bhiăn Rŭ mdơ̆ng, Hdră bhiă bruă Pui kmlă, Hdră bhiăn anôk bruă duh mkra, Hdră bhiăn Jia lehanăn Hdră bhiăn hluê ngă hdră phat mkra sowil. Ksiêm dlăng bruă dưi brei hluê ngă dŭm klei bhiăn, hdră mtrŭn hlăm bruă mdrao mgŭn mkăp kơ hdră gang mkhư̆ klei ruă Covid 19. Hlăm gưl 1 anei, Dhar bruă gĭt gai anôk bruă kƀĭn ala brei leh klei blŭ kơ klei čih mkra Hdră mtrŭn lông ba yua dŭm klei bhiăn, hdră mtrŭn mđĭ kyar ƀuôn prŏng Cần Thơ, mprăp kơ klei bi kƀĭn mơ̆ng Anôk bruă kƀĭn ala gưl XV./.

Pô mblang: H’Nêč Êñuôl