VOV4.Êđê- Aguah anei, klei kƀĭn kluôm tal 11 mơ̆ng êpul hgŭm phung ngă klei mrâo Việt Nam wưng thŭn 2020 – 2025 klă klơ̆ng dưi pŏk kčưm. Mâo êbeh 550 čô bi ala kơ êbeh 27 êbâo čô phung ngă bruă klei mrâo hlăm 63 êpul hgŭm phung ngă klei mrâo hlăm čar, ƀuôn prŏng, 19 êpul leh anăn 200 êpul nao hgŭm hlăm klei kƀĭn anăn. êlâo kơ anăn, hlăm klei kƀĭn mkăp, khua kiă kriê êpul hgŭm phung ngă klei mrâo Việt Nam Lê Quốc Minh mñă kơ phung bi ala bi lar klei êngiê nao mbĭt hŏng ai tiê bruă klam, klei bhiăn, klei ênuah ênô hlăm klei bi trông, mplĕ hră hlăm klei kƀĭn. Dŭm mta phŭn dưi bi trông hlăm klei kƀĭn anei leh anăn dŭm bruă klam, hdră êlan mơ̆ng klei kƀĭn anei nao mdah srăng mâo boh tŭ dưn klă klơ̆ng, đru mtrŭt mđĭ bruă klei mrâo cách mạng Việt Nam hŏng êlan mrâo mrang, thâo mbruă, ñŭ kma hŏng bruă klei mrâo hlăm alŭ wăl leh anăn tar rŏng lăn, tŭ mă dhar kreh yuôm bhăn tar rŏng lăn djŏ guôp hŏng dhar kreh Việt Nam.

Pô mblang: Y-Ƀel Êban