VOV4.Êđê- Hdră tết bi hgŭm thŭn 2022 srăng dưi mkŏ mjing klei bi tuôm hŏng 10.000 gŏ sang đoàn viên Công đoàn, mnuih mă bruă mâo klei hdĭp dleh dlan, amâo mâo klei găl wĭt drông tết ti ƀuôn phŭn pô, mĭn tĭng mkŏ mjing mơ̆ng hruê 22/1 truh kơ hruê 27/01/2022, anei jing sa hlăm dŭm bruă ngă hlăm hdră “Mnuih mă bruă hơ̆k mơak wưng tết hŏng ƀuôn prŏng”. Hdră anei dưi mkŏ mjing hlăm dŭm anôk bruă công đoàn nah gŭ, amâo dah anôk bruă công đoàn gưl dlông. Hluê si boh sĭt srăng mâo dŭm bruă dhar kreh, kdŏ mmuñ drông thŭn mrâo, pluă hlăm anăn bruă răng kriê, mđŭ brei mnơ̆ng dhơ̆ng kơ phung đoàn viên công đoàn leh anăn mnuih mă bruă. Ƀri wưng anei êpul hgŭm mnuih mă bruă ƀuôn prŏng Hồ Chí Minh srăng kriê dlăng kơ 1000 čô đoàn viên công đoàn mâo klei hdĭp dleh dlan, grăp čô sa êklăk prăk, mđĭ ai 12 anôk bruă kriê dlăng 600 čô mnuih mă bruă mâo dleh dlan hlăm dŭm dhar bruă, bruă mdrao mgŭn, gang mkhư̆ klei ruă tưp, bi doh wăl hdĭp mda.

Pô mblang: Y-Ƀel Êban