VOV4.Êđê- Hlăm klei kƀĭn online kluôm ala kơ bruă mdrơ̆ng hŏng klei truh yan adiê – Adŭ bruă êpul khua gĭt gai ala čar kơ bruă anei thŭn 2021 leh anăn ba mdah bruă klam thŭn 2022 mkŏ mjing tlam mbruê 30/12 ti Hà Nội, phung bi ala tŭ ư srăng ngă ktang phĭt leh anăn mâo boh tŭ dưn hĭn ti anăp klei dleh dưi ksiêm dlăng mơ̆ng yan adiê. Thŭn 2021, klei yan adiê ngă hlăm tar rŏng lăn dleh dưi ksiêm dlăng, ngă lu klei hmăi kjham kơ klei hdĭp leh anăn mnơ̆ng dhơ̆ng. Ti ala čar drei mâo 841 klei truh yan adiê, hŏng 18 mta klei truh hlăm 22 mta klei truh yan adiê. Klei truh yan adiê ngă kơ 108 čô djiê, luč, hmăi truh kơ êbeh 5 êbâo 200 êklai prăk. Mbĭt hŏng bruă lŏ ksiêm dlăng dŭm klei dôk kpăk ăt msĕ hŏng dŭm hdră êlan gang mkhư̆ klri truh yan adiê hlăm thŭn 2022 mâo boh tŭ dưn djŏ hŏng boh sĭt, phung bi ala lač, klei ruă tưp Covid-19 ăt dôk dleh dưi ksiêm dlăng, dŭm mta klei yan adiê ngă msĕ si: angĭn êbŭ, êa lĭp, dlưh lăn, không amâo mâo hjan, mgei lăn ala…êgao hnơ̆ng hƀuê ênuk hlăm thŭn 2021 lŏ jing dŭm klei hmăi amâo jăk kơ ala čar drei, bruă klam gang mkhư̆ dŭm klei truh anăn ƀrư̆ hruê ƀrư̆ ktrŏ, kyuanăn čiăng mđĭ hĭn boh tŭ dưn gang mkhư̆ klei yan adiê ngă mơ̆ng alŭ wăl leh anăn mđĭ hĭn klei thâo kơ phung knuă druh gang mkhư̆ klei yan adiê ngă, boh nĭk jing êpul nah gŭ.

Pô mblang: Y-Ƀel Êban