VOV4.Êđê - Djŏ guôp êđăp ênang, hŏng klei mbruă, ksiêm dlăng tŭ dưn klei ruă tưp Covid-19, iêo mthưr klei duh bi liê, mkŏ wĭt bruă lŏ hma, uêñ mĭn ngă jăk dŭm hdră êlan bi hơĭt klei hdĭp yang ƀuôn jing dŭm bruă klam yuôm bhăn mâo čar Dak Lak gĭr ktưn hlăm thŭn 2022. Thŭn 2021, khădah tŭ klei hmăi mơ̆ng klei ruă tưp Covid-19, ƀiădah bruă duh mkra ala ƀuôn mơ̆ng čar ăt mâo lu klei mlih jăk: hnơ̆ng mđĭ kyar bruă duh mkra êbeh 5,1%, ênoh prăk ba wĭt kah knar 50 êklăk prăk hlăm sa čô, hnơ̆ng mnia mblei mâo êbeh 1.100 êklăk USD… Thŭn 2022 Dak Lak lŏ dơ̆ng ngă hdră hdĭp êđăp ênang, hŏng klei mbruă, ksiêm dlăng tŭ dưn klei ruă tưp Covid-19, mbĭt anăn mtrŭt mđĭ iêo mthưr duh bi liê, mkŏ wĭt bruă lŏ hma, mđĭ bruă ksiêm dlăng lăn ala. Hŏng dŭm hdră mkăp jing boh kdrŭt, čar kñăm ruh mgaih dŭm klei dleh dlan, kpăk êgun, boh nĭk nik jing bruă ruh mgaih anôk ala kyua anei jing sa hlăm dŭm klei kpăk prŏng hlăm hruê mmông êngao.

Y - Ƀel pô mblang