VOV4.Êđê - Tlam hruê 3/12, ti Hà Nội, Anôk bruă kiă kriê klei hâo hưn gưl dlông mkŏ mjing leh Klei bi kƀĭn pŏk hluê ngă Klei mklă mtrŭn mơ̆ng Anôk kiă kriê bruă Đảng kơ bruă knuă druh. Ti anôk bi kƀĭn, Khua knơ̆ng ksiêm dlăng bruă knuă druh, Anôk bruă kiă kriê klei hâo hưn gưl dlông hưn mthâo leh klei bi mklă mơ̆ng Anôk kiă kriê bruă Đảng ruah leh Trần Thanh Lâm, Khua knơ̆ng ksiêm dlăng bruă klei mrâo - kđăm mkra, păn ngă K’iăng khua Anôk bruă kiă kriê klei hâo hưn gưl dlông, klam ksiêm dlăng bruă klei mrâo lehanăn bruă kđăm mkra. Jao klei bi mklă lehanăn jao bruă klam mơ̆ng K’iăng khua Anôk bruă kiă kriê klei hâo hưn gưl dlông mrâo, Khua anôk bruă kiă kriê klei hâo hưn gưl dlông Nguyễn Trọng Nghĩa đăo knang hŏng klei đua klam prŏng mơ̆ng pô, Trần Thanh Lâm srăng lŏ dơ̆ng mă bruă, ksiêm hriăm năng hŏng klei đăo knang mơ̆ng Đảng, Phŭn bruă kđi čar, Anôk kiă kriê bruă Đảng lehanăn phung khua hlăm Anôk bruă kiă kriê klei hâo hưn gưl dlông./.

H’Nêč pô mblang