VOV4.Êđê- Aguah 23/11, Pô bi ala Võ Văn Thưởng, Khua hlăm Phŭn bruă kđi čar, Khua hlăm Anôk bruă Đảng leh anăn Êpul bi ala bruă bi ala ƀuôn prŏng Đà Nẵng mâo leh mmông bi tuôm hŏng phung bi ala kơ mnuih ƀuôn sang 5 kdriêk čar Hải Châu, Thanh Khê, Sơn Trà, Ngũ Hành Sơn leh anăn Cẩm Lệ, ƀuôn prŏng Đà Nẵng čiăng hưn mdah klei tŭ klei bi kƀĭn tal 2, bruă kƀĭn ala gưl XV. Lu mta bruă mâo phung bi ala kơ mnuih ƀuôn sang mđing lač klei blŭ hlăm mmông bi tuôm hŏng phung bi ala msĕ si bruă gang mkhư̆ klei ƀơ̆ng ngăn brei ngă ktang hĭn; brei mđĭ klei bhiăn, hdră êlan kơ phung ngă bruă amâo thơ̆ng kơ bruă ti anôk bruă nah gŭ. Hdră gang mkhư̆ klei ruă Covid-19, phung bi ala kơ mnuih ƀuôn sang mtă brei pŏk ngă pral, pŏk mlar phung hmaĭ, đru rơ̆ng klei hdĭp mda ala ƀuôn. Võ Văn Thưởng, Khua hlăm Anôk dlăng bruă Đảng bi mkă: Gưl dlông, Phŭn bruă kđi čar mđing nanao kơ klei mđĭ kyar mơ̆ng ƀuôn prŏng Đà Nẵng. Hlăm hdră đĭ kyar, brei anôk dlăng bruă đảng, bruă sang čư̆ êa ƀuôn prŏng brei gĭr, mâo hdră msir mđĭ kyar hơĭt kjăp.

Pô mblang: H’Zawut Ƀuôn Yă