VOV4.Êđê- Tlam mbruê, ti anôk bruă Đảng gưl dlông, êpul bi ala Đảng cộng sản Việt Nam mơ̆ng Võ Văn Thưởng, khua hlăm phŭn bruă kđi čar, khua hlăm bruă Đảng gưl dlông ba anăp, nao hgŭm leh hlăm klei kƀĭn trông lu Đảng tar rŏng lăn, mơ̆ng Đảng ala čar Russia hluh hlir ti Russia gĭt gai. Blŭ hlăm klei kƀĭn anăn, Võ Văn Thưởng mñă klă, klei êđăp ênang, bi mguôp leh anăn klei đĭ kyar jing klei tal êlâo hĭn dlông rŏng lăn, klei bi mguôp tar rŏng lăn leh anăn bi mguôp bruă duh mkra tar rŏng lăn ară anei khădah dôk mâo lu klei dleh dlan, ƀiădah dôk hlăm wưng bruă tuh tia 4.0 mkŏ mjing boh kdrŭt kơ klei đĭ kyar.

Võ Văn Thưởng ăt mâo klei bi trông kơ dŭm mta kñăm leh anăn hdră êlan đĭ kyar, hdră êlan hŏng tač êngao mơ̆ng Việt Nam, dŭm boh tŭ dưn yuôm bhăn dưi mâo leh, mñă ktang bruă hŏng tač êngao mơ̆ng Đảng jing kmeh gơ̆ng hlăm bruă hŏng tač êngao mơ̆ng ala čar Việt Nam leh anăn dlăng anăn jing klei mpŭ hŏng klei mjĕ giăm jing ƀĭng hgŭm kluôm ênŭm Việt Nam – Russia leh anăn Đảng Cộng sản Việt Nam hŏng Đảng ala čar Russia hluh hlir.

Pô mblang: Y-Ƀel Êban