VOV4.Jarai - Lơ 18/5, Gơnong bruă ia jrao tơring čar Lâm Đồng brơi thâo, pơčrang lăng tal 2 hăng 122 čô mơnih bơdjơ̆ nao mơnuih ƀă klim mrô 3141 lêng huăi ƀă klin. Hlâo kơ ĕp ƀuh mơnuih ƀă klin Covid-19, mơnuih ƀă mrô 3141 mơng Bắc Ninh nao pơ Đà Lạt hyu čuă ngui mơng lơ 2/5 - 5/5 hăng găn nao rai lu anih.

Hrŏm hăng ngă tui klă hơdôm hơdră pơgang klin, wai pơgang anih hơdip jum dar ăt hơmâo Lâm Đồng đing nao pok pơhai

Tơring čar Lâm Đồng hơmâo ječ ameč kiăo tui ĕp 776 čô mơnuih jề giăm (amăng anun hơmâo 237 čô mơnuih F1 hăng 539 čô mơnuih F2), laih dong pơphun lu hơdră pơčlah kiăng pơgang klin Covid-19. Ră anai anom bruă bơdjơ̆ nao tơring čar Lâm Đồng glăk pơphun pơčlah 380 čô mơnuih bơdjơ̆ nao mơnuih ƀă mrô 3141. Amăng mrô anai, hơmâo 5 čô mơnuih pơčlah pơ sang ia jrao, 233 čô mơnuih pơčlah pơƀut hăng 42 čô mơnuih pơčlah pơ sang. Ră anai bruă pơgang klin ăt glăk hơmâo anom bruă bơdjơ̆ nao pơphun ječ ameč.

Siu Đoan: Pơblang