VOV4.Jarai - Ơi Nay Phi La, Khua gơnong bruă ia jrao tơring čar Dăk Lăk brơi thâo, truh tlam lơ 4/6, 2 čô ƀă kman Covid-19 hơmâo mrô 3237 hăng 3334 ƀơi tơring čar lêng huăi ƀuh kman dong tah amăng 3 wơ̆t pơčrang lăng kman Sars-CoV-2. Tui anun, 2 čô ruă mrô 3237 hăng 3334 lĕ 2 čô hơmâo kman mơng lơ 8 hăng 9/5. Dua čô anai lêng dŏ ƀơi jơlan 189/1 Mai Hắc Đế, phương Tân Thành, plơi prong Buôn Ma Thuột. Anai lĕ dua čô mơnuih bơdjơ̆ nao pô ƀă kman ƀơi Đà Nẵng. Dua čô anai glăk dŏ pơjrao ƀơi Sang ia jrao Lao hăng ruă kơsô̆ tơring Dăk Lăk. Tơdơi kơ 27 hrơi pơjrao, dua čô anai huăi ruă hơget dong tah, 3 wơ̆t pơčrang huăi ƀuh kman Sars-CoV2 dong tah. Him lăng, 2 čô anai amra dưi tơbiă mơng sang ia jrao amăng rơwang hrơi tơjuh pơ anăp anai.

Siu H’Mai: Pơblang