VOV4.Jarai - Truh lơ 22/11, tơring čar Lâm Đồng đĭ tui mrô mơnuih tlâ̆o 2 ară vaccine brơi ƀing mơnuih mơng 18 thun pơ glông dưm dưm 80%. Ră anai Lâm Đồng hơmâo tlâ̆o brơi rơbêh 1.713.851 liều vaccine pơgang klin Covid-19 kơ mơnuih ƀon sang. Amăng anun, hơmâo rơbêh 946.000 liều lĕ ară tal 1 hăng rơbêh 767.700 liều lĕ ară tal 2, mrô mơnuih tlâ̆o vaccine pơgang klin Covid-19 ară tal 1 lĕ 99,03% hăng ară tal 2 lĕ 80,35% hăng ƀing mơnuih mơng 18 thun pơ glông. Ră anai tơring čar Lâm Đồng glăk gir run pơtrut tañ bruă tlâ̆o ia jrao, gir run amra tlâ̆o brơi ară tal 1 kơ abih bang mơnuih mơng 18 thun pơ glông amăng rơnuč blan 11 anai. Laih dong, Lâm Đồng ăt hơmâo akŏ bruă tlâ̆o vaccine pơgang klin amăng rơwang hrơi tơjuh anai brơi kơ ƀing mơnuih mơng 16 thun truh pơ 18 thun. Blung hlâo, amra pơphun tlâ̆o 21.300 liều vaccine brơi kơ ƀing čơđai sang hră ƀơi 38 boh sang hră gưl tlâo hăng sang hră pơtô bruă ƀơi 5 boh tơring glông, plơi prong amăng tơring čar.

Siu Đoan: Pơblang