VOV4.Jarai- Ră anai, mrô mơnuih mơnam Việt Nam glăk [ư [rư\ tha tui laih. Hro\m hăng tơlơi anai le\ bruă kiăng wai lăng tơlơi suaih pral kơ [ing tha rơma jai hrơi kơtang hloh.

Khă hnun hai, bruă mă anai amăng edêh ]ar ta lăi hro\m laih anun tơring ]ar Daklak lăi hơjăn ăt do\ tơdu mơn.

{ơi Daklak, ră anai kơnong hơmâo sa Sang ia jrao akha kyâô tơring ]ar đôc\ hơmâo Anih pơjrao kơ [ing thun tha, ngă bruă khăm lăng hăng pơjrao tơlơi ruă kơ [ing tha.

Khă ăt do\ hơmâo lu tơlơi tơnap tap kơ gơnam tam laih anun mơnuih mă bruă, samơ\ amăng hrơi mông laih rơgao, Anih pơjrao [ing tha, Sang ia jrao akha kyâo tơring ]ar Daklak ăt gir run wai lăng hiam klă tơlơi suaih pral kơ [ing tha.

Giăm 3 thun anai laih, ơi Nguyễn Xuân Ập (79 thun), [ơi phường Tân An, plơi prong Buôn Ma Thuột, lăng anih pơjrao [ing thun tha, Sang ia jrao akha kyâo Daklak kah hăng sang ano\ pô gơ`u mơn.

Hăng tơlơi ruă luih tơlang rong hăng ruă tơkoai, `u juăt nao pơ sang ia jrao c\i khăm hăng pơjrao. Rơnang le\ nao khăm mă, giong mơng anun glăi pơ sang, tơdah kơtang le\ do\ đih glăi hlao pơ sang ia jrao mơng 7 truh kơ 10 hrơi.

Ơi Nguyễn Xuân Ập lăi le\: [ing tha rơma gơmơi le\, lơ\m hơmâo tơlơi ruă rơgah rơgăn biă amă amăng drơi jăn, yua anun kiăng hơmâo anih pơjrao phara laih anun Anih pơjrao [ing tha [ơi sang ia jrao anai djơ\ lăp biă mă:

‘’Kâo đih pơ anai mơng hrơi rơma rơwang hrơi tơjuh hlâo. Kâo ruă luih tơlang rong hăng ruă tơkoai [ơi 8 atut tơlang mơtăm.

Kâo lăng [ơi anai, tơlơi gleng nao mơng sang ia jrao, mơng khăm truh kơ pơjrao tơlơi ruă le\ arăng gleng nao hloh pơhmu hăng sang ia jrao pơko\n. Tơlơi thâo lăng mơng [ing ơi ia jrao [ơi anai klă biă mă.

Rơđah rơđông biă mă yơh, hơmâo arăng gleng nao ta mưn amăng pran jua ta mơ-ak hloh mơ\n.

Pơhmutu le\, tơdah [ing ơi ia jrao juăt pơglôh, [u hiăp tom hơbit le\ [ing mơnuih duăm ruă [u mơ-ak ôh, tơdah [u mơ-ak le\, [u hơmâo pran jua dong tah’’.

Yă Phạm Thị Gái (68 thun) [ơi să Dak Liêng, tơring glông Lak, Daklak ruă kơc\un arăt drah amăng glô rơgao mơng anai rơbêh 2 blan laih.

Tơdơi hrơi đih sui [ơi Sang ia jrao prong tơring glông Lak hăng Sang ia jrao Chợ Rẫy ([on prong Hồ Chí Minh), `u huăi ruă kơtang dong tah, samơ\ ngă `u kơc\un arăt [u thâo pư\ hlư\ ha bơnah drơi gah hơnuă.

Sang ano\ `u ba `u nao pơ Anih pơjrao [ing tha rơma, Sang ia jrao akha kyâo Daklak c\i pơjrao.

Sang ano\ ataih dong [u hơmâo mơnuih dong, yua anun yă Gái juăt đih glăi ha c\ô `u amăng sang ia jrao, samơ\ `u huăi hơning đơi ôh, yua dah [ơi anai hơmâo lu [ing tha rơma lêng thâo djru nao rai, laih anun [ing ơi ia jrao lêng kơ wai lăng klă, abih pran jua. Yă Phạm Thị Gái ră ruai tui anai:

‘’Kâo đih pơ anai lăng anih anom rơ-ơ\ biă mă. Abih bang ơi ia jrao wai lăng klă biă mă.

Rai pơ anai kâo lăng pran jua kâo mơ-ak. Kâo lăi pơ ană bă kâo, kiăng [ing gơ`u glăi, am^ do\ [ơi anai hơjăn tu\ mơ\n, tơdah hơmâo bruă hơget le\ gơnang kơ [ing neh wa [ơi anai djru brơi.

{ơi anai, [ing gơmơi lăng kah hăng sang ano\ pô mơ\n’’.

Anih pơjrao [ing tha rơma, Sang ia jrao akhakyâo Daklak ako\ pơdong mơng blan 3 thun 2014, hơmâo 70 sưng đih.

Mơnuih duăm ruă pơjrao [ơi anai lêng kơ [ing tha mơng 60 thun truh kơ lu hloh, hơmâo tơlơi ruă tơnap kah hăng mơa`ă tơbiă ia sik, ruă hơtai boh, tơtăng arăt drah, luih tơlang laih anun rơwen  rơwo yua ruă pơ kơa`ak…

Ơi ia jrao pơjrao dơnong tơlơi ruă anai gưl sa Phạm Ngọc Liễu, Khoa Anih pơjrao [ing tha brơi thâo:

‘’Lơ\m truh thun tha le\ hơmâo lu tơlơi ruă biă mă, yua anun [ing duăm ruă kho\m kiăng pơjrao abih bang.

Blung a le\, kiăng lăng nao pran jua mơng [ing ruă. Tal dua le\, lơ\m [ing gơ`u nao khăm le\ kiăng lăng tom tơlơi ruă pơko\n dong, kiăng hơmâo hơdră pơjrao klă hloh kơ [ing ruă.

Tal klâo le\, kho\m lăi pơthâo rơđah rơđông kơ pô sang mơnuih duăm ngă rho\m hăng [ing ơi ia jrao amăng bruă wai lăng tơlơi suaih pral, yua dah, [ing tha rơma le\ ako\ glô [ing gơ`u [u hơdor đơi dong tah’’.

Anih pơjrao [ing tha jing anih do\ pioh hơjăn kơ [ing thun tha amăng sang ia jrao.

{ơi anai, [ing gơ`u do\ hro\m hăng tơdroă tha `u c\i ră ruai nao kơ tơlơi hơdip mơda, thâo pap nao rai, djru nao rai.

Rơngiao mơng anun dong, [ing gơ`u hơmâo [ing ơi ia jrao wai lăng klă biă mă.

Yua anun, khă anih anom [ơi anai do\ kơhniă, [ơi `u [ing gơ`u đih dua c\ô ha boh sưng, samơ\ [ing `u ăt thâo pap nao rai mơ\n.

Hơdôm tơlơi anai ngă [ing gơ`u mơ-ak amăng pran jua, yua anun jing ta` suaih pral hloh.

Siu H’Mai: Pô ]ih hăng pôr