VOV4.Jarai - Ia R’vê le\ să guai lo\n ia tơnap tap mơng tơring glông guai lo\n ia Ea Sup, tơring ]ar Daklak. Să hmâo 14 bôh plơi hăng 22 djuai ania do# hơd^p mơda hrom.

Mơnuih [ôn sang biă `u rai mơng lu plơi pla amăng đơ đam dêh ]ar ta nao do#, tơlơi hơd^p mơda ăt do# lu tơlơi tơnap mơn hăng mrô sang ano# [un rin hmâo rơbêh kơ 60%, mrô mơnuih [u thâo hră ăt do# lu mơn.

Hơdôm thun rơgao, ling tơhan Pơgang guai lo\n ia hmâo jing laih hơdôm nai pơtô bôh hră kơ neh wa [ơi anai.

Hăng tơlơi gir run djru mơnuih [ôn sang pơđ^ tui bôh hră, hơdôm thun rơgao mơnuih apăn bruă tơhan, ling tơhan Puih kơđông pơgang guai lo\n ia Ia R’vê, Ling tơhan pơgang guai lo\n ia Daklak hmâo pơphun pok lu anih hrăm bôh hră brơi.

Phrâo anai hloh, amăng blan 6/2020, Puih kơđông pơgang guai lo\n ia Ia R’vê hăng Sang hră gưl sa – gưl 2 Chu Văn An pok dong anih hrăm kơ mơnuih [ôn sang amăng să.

Anih hrăm dưi pơphun amăng hơdôm mông mơmot amăng rơwang hrơi tơjuh, yua sa ]ô mơnuih mă bruă amăng puih kơđông hăng nai pơtô ]ơđai Sang hră gưl sa hăng gưl 2 Chu Văn An pơtô brơi.

Anih hrăm hmâo 19 ]ô mơnuih nao hrăm, lu `u đah kơmơi, mơnuih thun tha hloh thun anai ăt hmâo mơn 60 thun, mơnuih [ia\ thun hloh le\ 30 thun.

Hăng sa ]ô mơnuih thun tha hloh anih hrăm, yă Lữ Thị Sáng ră ruai: “Hlâo adih, tơlơi hơd^p sang ano# tơnap tap đơi, [u dưi nao hrăm hră, ră anai ling tơhan pơgang guai lo\n ia hăng nai pơtô ]ơđai sang hră rai pơ\ sang pơsur laih anun pok anih hrăm bôh hră anun kâo rơkâo mơtăm.

Kâo kiăng nao hrăm pioh ngă gru brơi kơ ană tơ]ô hăng kiăng thâo bôh hră, rim tal nao pel e\p tơlơi duam ruă kâo amra dưi pơđok bôh hră lăi nao tơlơi suaih pral pô mơng ơi ia jrao ]ih amăng hră pơ-ar pel e\p tơlơi duam ruă pơ ala kơ hyu gơnang kơ ara\ng pơđok brơi”.

Yă Lữ Thị Sáng dưi hmâo nao pơtô brơi abih pran jua hơdră ge\p bôh hră

Thun tha samơ\ yă Sáng le\ sa amăng hơdôm mơnuih nao hrăm triang biă, truh ră anai tơdơi giam hmâo 5 blan hrăm `u thâo pơđok, thâo ]ih laih hăng thâo ju\ yap dong.

Hăng amai Hoàng Mùi Lai (thôn 4), să Ia R’vê ano# pơtrut pran jua kiăng `u nao hrăm bôh hră le\ mơng hơdôm mơnuih do# giăm sang `u.

~u lăi pơthâo: “{uh ara\ng jum dar hlâo adih ăt kah hăng pô mơn [u thâo pơđok, [u thâo ]ih ôh, samơ\ tơdơi kơ hrăm giong glăi, hlơi hlơi leng kơ dưi pơđok hăng thâo ]ih sôh, hmâo laih lu mơnuih pơđ^ kyar bơwih [ong gơnang kơ hrăm bôh hră mơng ling tơhan, yua anun kâo pơsit nao hrăm mơn”.

{ơi să guai lo\n ia Ia R’vê, tơring glông Ea Sup, tơring ]ar Daklak hmâo laih lu sang ano# pơđ^ kyar bơwih [ong ba glăi bôh tơhnal hloh mơng hrơi thâo bôh hră, kah hăng ơi Hà Công Thức, [ơi thôn 13.

Tui hăng ơi Thức, sang ano# ngă đang hmua, biă `u rông hlô mơnong hăng tơju\ pla, hlâo adih yua `u [u thâo pơđok, [u thâo ]ih, djơ\ ano# `u lom hlô rông ruă kơnong thâo hơdră pơjrao nao pơ\ anih s^ jrao blơi glăi, mrô ia jrao klai luk mă ]a yua kơ [u thâo pơđok tơlơi pơtô ba [udah hlơi pơtô brơi hiưm hơpă le\ ngă tui anun, [u thâo ba glăi hă [u ba glăi bôh tu\ yua ôh.

Hơdrôm hră pơtô bruă rông hlô, tơju\ pla yua kơ Khul mơnuih ngă đang hmua să pha brơi ăt kơnong kơ thâo pioh lui hnun đo#].

Dong mơng hrơi gum hrom anih hrăm bôh hră yua kơ ling tơhan pơgang guai lo\n ia pok pơtô brơi, ơi Thức [uh kah hăng “bơnga]” rơđah biă.

Sa mông hrăm mơng anih pơtô bôh hră [ơi să Ia R’vê

~u gơgrong hlâo e\p pơđok hơdrôm hră, hră pơhing, hră pơ-ar lăi nao kơ bruă rông hlô, thâo hơdră pơgang tơlơi duam ruă mơng ataih kơ hlô rông hăng phun pla, thâo pơđok tơlơi pơtô ba mơng hơdôm djuai jrao pơgang phun pla, bruă ju\ yap prăk pran mă bruă amu` hloh kơ hlâo.

Gơnang kơ thâo mă yua djơ\ hơdră bôh thâo phrâo, glông hơdră bơwih brơi kơ phun pla, hlô rông, hơdră bơwih [ong mơng sang ano# `u ba glăi bôh tơhnal hloh.

Rim thun, tơdơi kơ kah lui prăk mă yua sang ano# `u do# dưi djă pioh hmâo rơbêh kơ 50 klăk prăk.

Tui hăng anun, amai Hoàng Thị Yến (thôn 13) tơdơi kơ pơđok hre], ]ih hre\] hmâo khin hơtai ngă tui tơlơi pơmin mơn pô sui hăng anai le\ pok anih s^ mdrô gơnam tam, pơđ^ kyar bơwih [ong sang ano#.

Thâo bôh hră, thâo ju\ yap, bruă blơi s^ hăng `u amu` hloh, bruă ]ih anăn gơnam tam, ju\ yap prăk hnưh [u do# tơnap dong tah.

{udah kah hăng ayong Bàn Sàng Cán (thôn 14), bôh tu\ yua prong hloh mơng bruă thâo ]ih bôh hră le\ ră anai lom mă yua amăng sang răm rai `u amra drơi pô pơkra glăi hăng hơdră pơđok hră pơtô brơi mă yua hăng pơkra glăi mơng pô ]ih lăi pơthâo [udah e\p amăng glông internet pioh pơđok hơdră pơkra glăi pơ ala kơ ba nao pơ\ anih juăt hyu pơkra glăi kah hăng hlâo adih.

Amăng hơdôm thun rơgao, Puih kơđông pơgang guai lo\n ia Ia R’vê, gah {irô git gai ling tơhan pơgang guai lo\n ia tơring ]ar Daklak hmâo gum hrom pok 4 anih pơtô bôh hră brơi rơbêh kơ 150 ]ô mơnuih [ôn sang [ơi să.

Pơđut hơdôm anih hrăm, abih bang mơniuh nao hrăm leng kơ thâo pơđok, thâo ]ih, mă yua hơdôm tơlơi ju\ yap amu`.

Rơgao kơ anih hrăm, ling tơhan pơgang guai lo\n ia ăt pơtô brơi mơn neh wa ngă tui hơdră pơđ^ kyar bơwih [ong, pơhro\ trun rin rơpa./.

Siu H’ Prăk: Pô pơblang