VOV4.Jarai - Sui hăng anai, mơng blan rơnu] bơyan puih truh blan ako# bơyan bơnga, jing bơyan [ong thun mơ`um blan mơng neh wa kual }ư\ Siăng.

Anai le\ bơyan mơng hơdôm mông jơnum ngui ngă yang, mơng tơlơi mơ-ak, mơng hơdôm tơlơi rơkâo klă hiam.

Sa amăng hơdôm phiăn ngă yang pha ra dưi pơ phun amăng bơyan anai le\ Ngă yang dlai mơng djuai ania Jarai pơ\ să Ia Pe#], tơring glông Ia Grai, tơring ]ar Gialai, rơkâo kơ yang dlai pơtrun brơi hơdôm tơlơi klă hiam, ]ang rơmang brơi dlai mơtah na nao pioh tơlơi hơd^p mơda dưi kơja\p.

Amăng krah dlai up ap, giăm [ơi ]roh ia jơngeh [ơha], tơhyom rơ-ơ\, tơlơi phai yang mơng tha plơi Siu Tới, [ơi plơi Ograng, să Ia Pe#], tơring glông Ia Grai, tơring ]ar Gialai ơ-oang đ^ mơ-^t truh yang dlai hơ]ih:

Tha plơi ơi Siu Tới pơ ala kơ ană plơi, rơkâo brơi hơjan klă, pơ-iă hiam pơhrui glăi pơdai jor, kơtor lu, brơi hơdôm tơlơi klă hiam truh hăng neh wa ană plơi.

Tha plơi ăt rơkâo brơi mơn dlai klô mơtah na nao, brơi mơnuih pơgang dlai klô kơjăp tơkai, rơđah mơta kiăng wai lăng dlai ta#o klă.

Tha plơi ơi Tới brơi thâo, djuai ania Jarai [ơi anăi sui hăng anai hơd^p je# giăm juăt hăng dlai klô, dlai djă lui kơ hơjan klă pơ-iă hiam, ia kơ bruă đang hmua, mă yua măng sang ano# tơbiă rai mơng dlai, phun kyâu pơkra sang mă mơng dlai, ]im brim hlô mơnong ăt mă mơng dlai mơn.

Dlai hăng neh wa yôm phăn biă, biă `u, amăng rơnuk blah ngă, tơdah [u hmâo dlai pơgang, pơgang brơi neh wa dưi pơhlôm.

Yua anun, khă tơlơi hơd^p mơda hmâo lu laih tơlơi pơplih, samơ\ noa yôm mơng dlai ăt do# hơnong đo#] hăng phiăn ngă yang dlai ătđưi hmâo neh wa pơ phun rim thun mơn, tui hluai kơ anet [udah prong, anih anom:  

“Lăi kơ dlai, hlâo adih blah ngă tơdah [u hmâo dlai thơ tơnap biă, gơnang kơ dlai klô mơ\ dưi hơd^p.

Lom anun, bôh [om bôh  phao `u pơnah pơrai abih dlai klô. Ră anai rơnuk rơnua laih, khom ngă brơi kơ dlai bluh glăi, brơi `u klă hiam hloh”.

Ngă yang dlai juăt hmâo Jarai ta [ơi să Ia Pe#] pơ phun tơdơi kơ pơdai [ơi hmua, kơtor [ơi đang yuă prah, wok ma glăi, bơyan mơyan giong hăng neh wa pơ phun bơyan [ong thun mơ`um blan.

Hrom hăng hơdôm phiăn juăt ngă yang pơkon le\ Phiăn ngă yang dlai dưi lăng sa phiăn ngă yang prong, tum pơ[u\t abih bang ană plơi, mơng mơnuih tha truh ]ơđai muai, đah rơkơi hăng đah kơmơi gum hrom hyu dlai.

Anih ngă yang juăt ruah giăm hang ]roh ia kiăng gêh gal kơ bruă mă ia pioh ngă yang dlai ăt kah hăng pioh djop mơnuih mă yua.

Hăng tui hluai tơlơi hmâo mơ\ phiăn ngă yang dưi pơ phun prong [udah anet, samơ\ juăt `u rim dah leng kơ hmâo tơpai ]eh, asơi hrong, mơnu\ om pioh ngă yang dlai.

Kơnong kơ thun anai phiăn ngă yang dlai mơng neh wa plơi Ograng dưi pơ phun prong hloh lom hmâo tơlơi gum djru, gum hrom mơng gưl Ping gah, gong gai tơring glông hăng să.

Ơi Siu Thunh, Khoa git gao Ping gah să Ia Pe#], ăt mơng plơi Ograng brơi thâo, bruă să hăng tơring glông gum hrom ngă yang le\ pioh gum hrom pơ pu\ sa phiăn ngă yang klă hiam, hrom hăng anun pơsur, pơtrut brơi tơlơi kiăng khăp kơ dlai klô, kơ yang rơbang pơgang dlai klô mơng m[s:

“Kiăng ngă tui pran jua pơgang dlai klô mơng m[s le\ să hmâo pơ phun laih mông lăi pơhing truh m[s.

Hrom hăng anun, ngă tui, phiăn juăt mơng m[s hơđăp [ơi anai, rim thun să pơtrut pơsur m[s pơ phun ngă yang dlai hăng ]ang rơmang pơgang klă dlai klô, pơgang tơlơi suaih pral, laih anun ]ang rơmang le\ pơđ^ kyar bơwih [ong hmâo kơmlai mơng dlai klô”.

Ano# lăp djă pioh amăng phiăn ngă yang dlai mơng neh wa plei Ograng le\ dưi pơ phun amăng krah dlai klô, djru hơdôm rơtuh ]ô mơnuih samơ\ neh wa khut khăt mơtăm [u tek rơwek nao phun kyâu hơpă ôh.

Abih bang hơdôm gơnam mă yua tơdah kiăng le\ leng kơ yua mơng hơdôm phun kram, djrao, pơ-o.

Kơnong kơ hơdăng pioh om a`ăm mơnong le\ yua hơdôm phun kyâu djai krô amăng dlai.

Anai ăt le\ hơdră sit nik, tu\ yua hloh pioh ană plơi lăi pơthâo glăi kơ rơnuk tơdơi anai tơlơi khăp kiăng kơ dlai klô, pran jua pơgang dlai klô.

Ơi Lâm Văn Long, Khoa Anom wai lăng dlai klô tơring glông Ia Grai, tơring ]ar Gialai brơi thâo, khul tơhan pơgang dlai klô [ơi sa anih anom să le\ [ia\ biă, kơnong kơ hmâo mơng 1-2 ]ô mơnuih đo#].

Bruă pơgang dlai klô kiăng biă tơlơi gum tơngan hrom mơng m[s. Yua anun, bruă m[s [ơi să Ia Pe#] pơ phun ngă yang dlai le\ sa tơlơi jơnum yôm phăn biă:

“Bruă djă pioh dlai le\ khom gơnang kơ pran kơtang mơng abih bang m[s. {ơi anai, plơi ara\ng pơ phun ngă yang dlai [ơi krah dlai klô le\ hmâo bôh tu\ yua prong biă, djru prong kơ khul Wai lăng dlai klô amăng pơgang dlai klô.

Anai le\ ngă tui pran kơtang mơng abih bang m[s amăng pơgang dlai klô.

Kual }ư\ Siăng glăk amăng bơyan jơnum ngui, ngă yang, bơyan mơng hơdôm tơlơi klă hiam hăng phiăn ngă yang dlai mơng djuai ania Jarai [ơi să Ia Pe#] ngă rơđah dong hơdôm gru hiam bôh thâo đưm mơng plơi pla djop djuai ania Jarai amăng kual.

 Tơlơi hơd^p mơda hmâo lu tơlơi pơplih phrâo laih samơ\ tơlơi khăp kiăng hăng dlai klô, bôh thâo đưm djă pioh dlai klô ăt dưi hmâo neh wa [ơi anai pơ pu\ djă pioh.

Anun ăt dưi lăng le\ sa kông ngăn yôm pơ phăn mơ\ plơi pla [ơi anai jao mơ-^t kơ rơnuk tơdơi anai./.

Siu H’ Prăk: Pô ]ih pơblang hăng pôr