Hơdôm bruă mă ngui ngor ƀơi mông ngă yang dưi ruah mă ƀiă, pioh ngăn rơnoh djru mơnuih ƀôn sang pơsir răm rai yua kơ kơthel ngă. Mông ngă Yang Tế Thu lĕ sa phiăn ngă yang tui bôh thâo đưm pơphun amăng tal Blan prơmi blan 8 blan di rim thun ƀơi Sang pơpŭ Lạc Giao, anih pơpŭ kơ Pô pơjing lŏn ia Đào Duy Từ rơnuk ƀing ơi pơtao git gai hăng ƀing nao hlâo hmâo pran jua pơjing plơi Lạc Giao – plơi blung a mơ̆ng djuai ania Yuan ƀơi kual Dak Lak.

Mông ngă yang dưi pơphun klă biă yua kơ grŭp ngă yang ƀing tha rơma, hơdôm mơnuih hmâo arăng đăo kơnang, hmâo tơlơi găn rơgao amăng plơi ngă tui. Phiăn ngă yang bơni kơ lŏn adai, bơni kơ yang rơbang lŏn drŏn plơi pla, ƀing nao hlâo hmâo djru brơi hơjan klă pơ-iă hiam, lŏn ia rơnuk rơnua mơnuih ƀôn sang mơ-ak klă, bơwih ƀong gêh gal, pơhrui pơdai jor kơtor lu. Amăng tơlơi phai yang thun anai hmâo sa bôh yôm rơkâo brơi kơthel ia ling dăo tañ rơgao, mơnuih ƀôn sang tañ pơwot glăi tơlơi hơdip kah hăng tơđar./.