VOV4.Jarai - {ơi mông ngă lơphet ngui ngơr Festival Gru Atông c\ing kual C|ư\ Siăng thun 2018 phrâo pơphun [ơi Gialai, amăng rơbêh 1000 c\ô kơhnâo, mơnuih juăt nao jơnum hro\m amăng lu tal ngă Festival.

 

Hơmâo tha kơhnâo giăm 90 thun, samơ\ ăt hơmâo mơn c\ơđai anet glăk hrăm anih sa. Hloh kơ anun dong, [ing gơ`u lêng kơ [ing mơnuih apăn bruă pơ[uh gru grua djuai ania, pơ ala kơ djuai ania pô pơdah brơi arăng thâo gru hiam mơng djuai ania. {ing gơ`u jing mơnuih yôm mơng djo\p djuai ania [iă [ơi kual C|ư\ Siăng

 

Hơdôm hrơi pơphun ngui ngơr yôm kah hăng Festival Atông c\ing kual C|ư\ Siăng, [ing ba jơlan, pơ[uh [ô| hlâo le\ [ing Kơhnâo – mơnuih pioh abih tơlơi hơdip c\i djă pioh, wai lăng hăng pơtrut đ^ gru grua djuai ania, amăng anun hơmâo gru hiam atông c\ing kual C|ư\ Siăng.

 

Tha kơhnâo Nay Phai (do\ [ơi tơring kual Phú Túc, Krông Pa) jing nai rơgơi bruă tul c\ing, [ư\ pơkra jua c\ing [ơi kual Ngo\ dơnung tơring ]ar Gialai.

 

Festival Gru  grua c\ing hơgor kual C|ư\ Siăng thun 2018 [ơi Gialai

 

Mơng thun ngă Festival Atông c\ing gưl Jar kmar thun 2009, anăn Nay Phai mơng [rư\ hơmâo lu mơnuih hmư\ hing. ‘’{ơi mông jơnum ngui Festival 2009, kâo ăt gum nao pơkra c\ing.

 

Lơm anun hơmâo lu [ing hyu mă tơlơi pơhing phrâo, [ing kuai phim, tơ`a kâo. Dong mơng Festival 2009, kâo hrăm tui, thâo hluh hloh kơ c\ing hơgor, gông brô| mơng djuai ania pơko\n, yua anun kâo lăng mơ-ak biă’’ – tha kơhnâo Nay Phai ră ruai tui anun.

 

 

Buh kông kơ pô sang – tơlơi ngă yang gong drai rơkâo rơnuk rơnua mơng djuai ania Êđê [ơi Festival

 

Nao jơnum hro\m Festival tal anai, `u pơhưc\ pơhac\ mơn: ‘’Kâo c\ang biă mă kơ mông jơnum ngui anai, yua dah [ơi anai hơmâo lu djuai ania pơko\n glăi pơ[ut.

 

Anai le\ hrơi gêh gal kiăng [ing gơmơi pơhiăp nao rai, hrăm tui tơdroă tơlơi hiam klă mơng tơlơi hơdip, tơlơi ngă yang rơbang, truh kơ tơlơi ngui ngơr’’.

 

Amăng rơbêh 1.000 c\ô kơhnâo nao jơnum Festival, năng ai `u tha Khưi (do\ [ơi [uôn Tuơh Klah, să Glar, tơring glông đăk Đoa, Gialai) le\ pô tha hloh. Khă mơng 88 thun laih, samơ\ lăng `u ăt do\ kjăp drơi jăn mơn.

 

Tha plơi ngă yang pik drah mơnu\  pơpu\ kơ tơlơi suaih pral djuai ania Mnông [ơi Festival

 

Ơi Khưi le\ pô rơgơi trah ru\p hăng kyâo hmư\ hing djo\p kual; sang hlơi, plơi pla hlơi thơ huă pơthi lêng iâu `u soh rai trah rup.

 

Ră anai, Ơi Khưi [u hơmâo pran tui hăng mơng hlâo dong tah, rim glông rơbok `u trah [u tơma đơi dong tah.

 

Khă hnun, lơm thâo tơring ]ar pre c\i pơphun Festival, `u ăt c\ang rơmang nao jơnum hro\m. Tha kơhnâo Alip – Khoa grup atông c\ing plơi Groi 2 (să Glar) brơi thâo:

 

‘’Hmư\ hing plơi Groi 2 hơmâo arăng ruah nao atông c\ing amăng mông ngă Festival, ơi Khưi rai bưp kâo, rơkâo gum hro\m hăng grup, yua `u aka [u nao djơ\ ôh mông jơnum prong tui anun.

 

 

Ngă yang đ^ sang rung djuai ania Bahnar ru\  pơdah glăi [ơi Festival

 

~u rơgơi biă mơn gah c\ing hơgor. Khă thun tha, samơ\ hui đôc\ `u rơkut amăng hrơi pơtop, hrăm hăng hrơi pơtô ba ană tơc\ô atông c\ing’’.

 

Hăng ơi Khưi, anai jing tal Festival blung a samơ\ thơ mơng tal rơnuc\ hlao `u dưi nao, yua anun `u do\ c\ang biă mă.

 

Festival tal anai, ăt hơmâo mơn lu [ing c\ơđai rơgơi kơhnâo. Amăng abih bang grup atông c\ing nao jơnum Festival Gru atông c\ing kual C|ư\ Siăng thun 2018, lăp đing nao hloh le\ grup hlăk ai atông c\ing mơng tơring glông Kông Chro, Gialai.

 

Grup hơmâo năng ai `u 30 c\ô mơnuih le\ [ing c\ơđai sang hră. Anet biă mă hloh le\ nô Min (glăk 6 thun đôc\, do\ [ơi plơi Tờ Nùng 1, să Ya Ma). Anai le\ tal blung a nô Min ataih mơng sang.

 

Tơlơi hơget hăng nô Min lêng ling hlang soh, pô hlơi thơ tơ`a jing ngă `u mlâo mơn, [u khin pơhiăp tom arăng ôh. Khă hnun, gơgrong bruă ngă pơtual amăng grup atông c\ing, lơm mut to\m grup atông c\ing, nô Min jing mơnuih hơdec\ hmar, hơmâo hơtai biă laih anun [u mlâo ôh c\uih arăng tlao, ngă arăng lăng mơ-ak biă.

 

Dua adơi ayong adơi Đinh Văn Gun (14 thun) hăng Đinh Thị Choá (8 thun), do\ [ơi plơi Mơ Hra, să Kông Lơng Khơng, tơring glông Kbang, Gialai) ăt kiăo tui ơi `u mơn, gum hro\m grup atông c\ing mơng tơring glông Kbang jơnum ngui Festival.

 

Kah hăng Min mơn, 2 adơi ayong `u [u khin pơhiăp tom arăng ôh. Tơdơi kơ pơhiăp tom, mơng [rư\ juăt tui, Gun lăi: ‘’Blung a kâo kiăo tui jơnum hro\m hrơi ngui ngơr prong tui anai, kâo mơ-ak biă.

 

{ơi anai bưp lu gơyut gơyâo mơng plơi pơko\n, djuai ania phara, lăng hlơi hlơi atông c\ing ring hơgor rơgơi soh. C|ang rơmang tơdơi anai, rơnuk gơmơi ăt dưi gum hro\m hrơi ngui ngơr prong tui anai mơn’’.

 

Dong mơng bruă nao jơnum hro\m tơlơi ngui prong, grup kơhnâo hlăk ai [uh c\^ [ơi anăp tơlơi hơdip, tơlơi gơgrong kơtang mơng gru grua đưm, dong mơng anun, ru\ pơdong pran jua khăp amuaih, tơlơi kơdrưh ang hăng tơlơi pơmin djru wai lăng, djă pioh gru grua, biă mă `u le\ atông c\ing.

 

Tơlơi anai yôm biă mă, kah hăng tha kơhnâo Đinh Hmưng (plơi Mơ Hra, să Kông Lơng Khơng, Gialai) ră ruai: ‘’Ră anai, ta do\ hơmâo pran, samơ\ tơdơi anai thun tha le\ kho\m hơmâo pô pơplih ta pơtô ba [ing c\ơđai atông c\ing hơgor, djă pioh glăi gru grua mơng ơi yă.

 

Yua anun, brơi [ing ană amon kiăo tui, kiăng [ing gơ`u hrăm, [uh tui, dong mơng anun gir hrăm hloh dong’’.

 

Siu H’Mai: Pô c\ih hăng pôr