VOV4.Jarai-Tlam lơ 29/8, grup ơi ia jrao tơring čar Gia Lai nao djru kơ ƀôn prong Hồ Chí Minh pơgang klin Covid 19. Grup anai hơmâo 4 čô ơi ia jrao hăng 17 čô nai ia jrao mơ̆ng tơring čar Gia Lai rai mơ̆ng hơdôm sang ia jrao prong tơring čar, sang ia jrao pơjrao čơđai muai, sang ia jrao pơjrao hăng jrao akha kyâo hăng ƀư̆ drơi jăn tơring čar laih anun anom bruă ia jrao tơring glông, plơi prong.

Ƀing nai ia jrao Gia Lai  nao djru ƀôn prong Hồ Chí Minh pơgang klin

 Grup ơi ia jrao mơ̆ng Gia Lai amra nao mă bruă pơ sang ia jrao tơhan pơdong jăng jai pơjrao Covid 19 kuân Tân Phú, ƀôn prong HCM kiăng djru bruă pơjrao mơnuih duăm kraih hăng mơnuih hlăk đih pơjrao yua tơlơi ruă ƀă klin Covid 19 amăng kuân. Hlâo kơ nao ngă bruă, grup dưi hơmâo tơring čar djru 10 klăk prăk hăng gơnam yua mă bruă gah ia jrao pơhlôm, pơgang drơi jăn nao mă bruă pơ anih hơmâo klin Covid 19.

Hlâo kơ nao, ƀing nai ia jrao hơmâo hrăm kơ hơdră pơjrao hăng wai lăng mơnuih duăm ruă ƀă klin Covid 19, hơdră pơhlôm, pơgang, sem lăng anŏ ƀă kman Covid 19. Hơdră mă ia khak, djă pioh, ba pơčrang kman sars-cov-2.

Nay Jek: Pơblang