VOV4.Jarai-Lơ 3/8, Jơnum min mơnuih ƀôn sang tơring čar Bình Dương hơmâo ba yua dơ̆ng 2 boh sang ia jrao tơhan ngă jăng jai prong truh kơ 8.300 boh sưng đih pơjrao mơnuih duăm ruă pioh pơjrao mơnuih duăm ƀă Covid 19. Sa boh anih pơdong pơ sang hră gưl prong Đại học Việt Đức, plơi prong Bến Cát hăng sa boh pơdong pơ sang mă bruă pơkra ming mơ̆ng Kông ty pơčruh ngăn pơđĭ kyar tuh tia BW, ăt amăng plơi prong Bến Cát mơ̆n.

Khua mua Ding jum ia jrao nao pel ĕp 2 boh sang ia jrao tơhan ngă jăng jai

pơphun mă yua sit nik

Anih tal 2 mơ̆ng Sang ia jrao tơhan ngă jăng jai anai, dưm lu mơta gơnam yua phrâo pơjrao mơnuih duăm ruă djơ̆ kman Covid 19, ƀing ƀu mưn ruă, duăm djong. Laih anun, hơmâo dơ̆ng 600 boh sưng đih dưm măi oxy pioh suă pran hơđong dưi dăng nao mơ̆ng đing oxy hăng măi prong pơpha hyu jua pioh yua.

Hlâo kơ anun, Sang ia jrao tơhan jăng jai mrô 1 Bình Dương yua kơ phun Kông ty Becamex IDC pơdong ƀơi anih jơnum prong prưng pơdă rup jar kmar či plơi prong phrâo Bình Dương hăng 1.500 boh sưng đih pơjrao, hơmâo dưm djop măi phrâo mă yua pơjrao mơnuih duăm.

Sang ia jrao anai hơmâo tŭ jum pơjrao brơi laih 1.300 čô mơnuih djơ̆ klin Covid 19 hăng hơmâo 140 čô mơnuih suaih laih anun tơbiă mơ̆ng sang ia jrao.

Nay Jek: Pơblang