VOV4.Jarai-Sa amăng 19 mơta tơhnal pơkă kơ să plơi pla phrâo le\ bruă rơnăk anih hơdip jum dar.

Tơlơi anai, pơmin amu` ame\ đô] samơ\ hăng kual ]ư\ siăng kriăng pơtâo, kual plơi pla mơnuih djuai [iă le\ khom hơmâo tơlơi gir run prong biă mă.

Plơi Khe O, tơring kual Bình Liêu, tơring glông Bình Liêu, tơring ]ar Quảng Ninh, mơnuih [on sang djuai ania Yao pơ anai, hơmâo ming pơkra glăi pưk sang đang hmua, ]uk pơkra jơlan nao rai amăng plơi, rơnăk anih hơdip jum dar plơi pla, [on [ut, du` pơ[ut h^ djah djâo pơsir djơ\ hơdră.

Bruă mă anai, [uh rơđah tơlơi bơblih phrâo amăng tơlơi pơmin mơnuih [on sang hiam klă biă mă, lui h^ laih tơlơi juăt among hơđăp [u klă.

Tơlơi ]ih mơ\ng Duy Thái, pô mă tơlơi pơhing Gong phun jua pơhiăp Việt Nam do\ pơ kual Ngo\ kơdư dêh ]ar lăi nao tơlơi anun tui anai.

Ataih mơ\ng tơring kual Bình Liêu kơnong 10 km, plơi Khe O lăng kah hăng pha ra biă mă mơ\ng anih lu mơnuih rô nao rai ik ăk amăng tơring kual plơi prong.

Yua jum dar lăng tơleng kơ ]ư\ siăng glai klô, rơbêh 200 boh sang ano\ mơnuih djuai ania Yao, kơnong ngă hmua pla pơjing tui hơdră hơđăp.

Dơ\ng mơ\ng pok pơhai hơdră man pơdong plơi pla phrâo, lăng nao kơ hơbo# plơi pla Khe O `u phara laih.

{u hơmâo dơ\ng tah, rơmô, kơbao, un mơnu\ pok pơhai lui amăng lan sang, đang plơi, bruă rơnăk anih hơdip jum dar, kih rơmet pơ agaih jơlan rô nao rai amăng plơi pla jai hrơi hiam klă hloh.

Sang ano\ amai Lý Thị Nguyên phrâo man pơkra sang mơnơi, sang juă glai. Hlâo adih, bruă mơnơi hơgơi amăng sang ano\ [udah nao juă glai hă trun nao pơ hmua, đuăi nao pơ gah plơi soh đô]. Amai Lý Thị Nguyên ră ruai:

‘’Hlâo adih hơ[ak jrak biă mă, sit [uh glăi pơ sang, huă [ong [u jơman ôh, hơ[ak đơi.

Ră anai, hơmâo Kơnuk kơna djru pơkra jơlan nao rai amu` laih, war rơmô kơbao, ba nao pơ ataih mơ\ng sang rơgoh biă.

Hlâo adih, rơdêh tang rơwang khom glăm trun pơ yu\ adih kah đ^, ră anai rơdêh thut đ^ rai truh pơ sang. {uh rơgoh hơdjă djơh hăng anai mơak biă mă, rơhaih rơhong’’.

Abih bang sang ano\ mơnuih [on sang [u hơmâo sang juă glai, war, drông krư\ rơmô kơbao un  ôh [udah pơkra [ơi djeo sang mơtam.

Lu sang ano\ klơi luh kuăi nao eh rơmô kơbao pioh lui [hu krô giăm sang mơtam.

Rơmô kơbao akă lui gah [ơi anăp sang ing ang kơ ruai por hyu, găm sit adai hơjan hơ[ak jrak biă mă. Amai Tằng Thị Sinh, plơi Khe O ră ruai:

‘’Hlâo adih hơ[ak jrak đơi, jơlan glông giăm [ơi war rơmô kơbao, man pơdong drông un [ơi sang.

 Ră anai, jơlan rơbat hyu rơgoh laih mơak biă, [uh plơi pla ta hiam klă hloh.

Mơak yơh dưi hơmâo khua mua kơnuk kơna djru kơ ană plơi pla, pơdong plơi pla phrâo hiam hrup anai’’.

Hơdôm thun giăm anai, gong gai kơnuk kơna să Lục Hồn, hơmâo pok pơhai lu bruă mă man pơdong plơi pla phrâo, pơtrut bruă pơtô pơblang kiăng thâo hluh, tơlơi glăm ba mơ\ng r^m ]ô mơnuih [on sang.

 Laih dơ\ng, mơne] mă tơlơi djru mơ\ng tơring ]ar, tơring glông tuh pơ alin, mơnuih [on sang man pơkra war rơmô kơbao, drông un, pơkra sang mơnơi, sang juă glai hơdjă.

Phrâo anai, jơlan 1 km amăng plơi tuh [êtông giong laih, laih anun mă yua anih ngă war krư\ rơmô kơbao hromha bit  amăng plơi, ngă kơ plơi pla hơdjă djong laih, plơi Khe O bơblih hmar biă mă.

{u [uh dơ\ng tah jơlan dơlut eh rơmô kơbao kah hăng hlâo, lăng hyu dua bơnah hmua pơdai, rơmô kơbao anih kiă hơđong, un bui, mơnu\ bip huăi prưh lui hrup hlâo ôh, hơdjă laih.

Yă Bùi Thị Hồng, Khua jơnum min mơnuih [on sang să Lục Hồn, brơi thâo, bruă ngă anăn ‘’Hrơi tơjuh mơtah mơda’’, amăng tal jak iâu man pơdong plơi pla phrâo lu mơnuih [on sang gum hrom biă mă:

‘’Ră anai plơi Khe O bơblih lu biă mă. Tal blung gơmơi djru ană plơi, pơtô brơi gơ`u hơdră bơblih mă tơlơi thâo hluh gơ`u.

 Bruă pok pơhai Hrơi tơjuh mơtah mơda hơmâo pơtum abih bang mơnuih apăn bruă amăng să, [ing nai pơtô hrăm hră djru hrom hlăk anun aka ngă tui hur har ôh, kơnong nao lăng đô].

Laih jak iâu pơtrut ngă tui ră anai djop mơnuih ngă hrom yơh, dơ\ng mơ\ng hlăk ai tơdăm dra, ]ơđai sang hră, tơl [ing đah kơmơi [ă ba ană bă [ơi ro\ng ăt nao kih rơmet anih hơdip jum dar, jơlan glông amăng plơi pla. Djop mơnuih mơak soh, gum hrom’’.

Bruă mă anăn ‘’Quảng Ninh Gum pran hrom man pơdong plơi pla phrâo’’ amăng 10 thun rơgao [ơi tơring glông Bình Liêu hơmâo pơjing rai sa pran kơtang bang hyu djop mơnuih [on sang, hăng bruă anăp nao man pơdong plơi pla phrâo hiam klă, tơlơi hơdip mơda mơnuih [on sang thâo rơguăt.

Pran jua mơak hlak. Yă Lê Thị Thu Hương, Kơ-iăng Khua anom wai lăng bruă ngă hmua hăng pơđ^ kyar [on lan tơring glông Bình Liêu brơi thâo:

‘’Bruă bơblih phrâo tơlơi do\ dong [ong huă, ăt kah hăng pơđ^ tui tơlơi hơdip mơda mơnuih [on sang pơmin nao kơ bruă rơnăk anih hơdip jum dar jing sa bruă phun man pơdong plơi pla phrâo [ơi tơring glông Bình Liêu.

Hăng plơki Khe O truh ră anai ngă giong laih tơlơi bơblih anun, wơ\t hăng tơlơi thâo hluh mơ\ng mơnuih [on sang, ră anai djop pô do\ amăng anih bơblih phrâo sit nik, hơmâo mơnong [ong, mơnong huă tơlơi hơdip mơda pơđ^ kyar kjăp biă mă, plơi pla anih do\ rơhaih rơhong, boh nik `u bruă wai lăng răk rem hlô mơnong rông hiư\m pă brơi klă.

Anun yơh tơlơi [uh rơđah mơnuih [on sang plơi Khe O thâo bơblih lu laih ră anai’’.

Hăng pran jua mă bruă [u hu\i kơ tơlơi tơnap lông lăng ôh, gong gai kơnuk kơna hăng mơnuih [on sang plơi Khe O să Lục Hồn lăi pha, tơring glông Bình Liêu hnun mơ\n, glăk ngă bơblih h^, pơđ^ hiam tui plơi pla [ơi anai.

Anun le\ tơhnal pơkă kơ tơring glông kual giăm guai dêh ]ar anai ăt kơtưn hloh man pơdong sa boh tơring glông kơtang kơ tơlơi bơwih [ong huă, thâo hluh dơlăm kơ gru grua mơnuih mơnam, djru hrom pơgang kjăp tơlơi rơnuk rơnua mơnuih [on sang kual giăm guai dêh ]ar.

                                                            Nay Jek : Pô ]ih hăng pôr