VOV4.Jarai-Dơ\ng mơ\ng sa boh kual tơlơi bơwih [ong huă, tơlơi mă bruă hmua aka [u thâo ngă tui mơne] phrâo ôh, [on Bu Tung, să Quảng Tín, tơring glông Dak Rlâp, Daknông hơmâo lu tơlơi bơblih phrâo rơđah rơđong biă mă mơ\ng hơdră man pơdong plơi pla phrâo.

Jơlan glông nao rai hiam klă, sang pơdong hiam pơprong jai hrơi lu brơi [uh tơlơi bơblih phrâo kơtang laih [ơi kual plơi pla mơnuih djuai ania [iă do\ anai.

Hơdôm tơlơi bơblih phrâo mơ\ng tơlơi pơmin mơnuih [on sang lui rơmo\n ako\n rin laih anunm man pơdong plơi pla phrâo.

Tơlơi ]ih mơ\ng Hoàng Qui, pô mă tơlơi pơhing phrâo Gong phun jua pơhiăp Việt Nam do\ [ơi kual Lo\n Dap kơdư lăi nao kơ tơlơi anun tui anai.

Nao pơ plơi Ol Bu Tung, să Quảng Tín, tơring glông Dak Rlâp, tơring ]ar Daknông amăng tlam ako\ blan 12, mơnuih [on sang glăk dik dăk ngă bruă pe\ kơphê, ]ro\ kơphê amăng kơsăk, pe\ kơphê amăng đang glăk tơsă laih.

Lăng nao kơ djop pô lêng kơ pe\ tlao hok mơak. Ayong Điểu Sang, sa ]ô mơnuih ngă hmua ba gru hlâo ngă bruă pơklaih mơ\ng tơlơi ư\ rơpa amăng plơi hok mơak ră ruai.

~u lăi, hlâo adih sang ano\ gơ`u [un rin biă mă, dua rơkơi bơnai gơ`u khă hơmâo 2 hektar đang hmua kơphê samơ\ yua [u thâo hơdră wai lăng răk rem, kơphê [u mơboh ôh.

5 thun giăm anai, yua hơmâo ]an prăk djru kơ sang ano\ [un rin, laih anun hrăm tui boh thâo ngă hmua pla pơjing, e\p tơlơi pơhing, hmư\ bro#, lăng tivi, tơlơi djru ba mơ\ng mơnuih ngă bruă pơsur tơlơi ngă hmua, anun yơh thâo tuh pơ alin blơi hơbâo pruai kmơ\k tuh kơ phun kơphê djơ\ hơdră.

Đang kơphê sang ano\ `u pơhrui glăi hơđong, sang ano\ hlong pơklaih mơ\ng tơlơi ư\ rơpa. Sang do\ hơđăp gơ`u tơ\i rơ\i hlăk anun, ră anai pơdong sang phrâo, lui sang hơđăp.

Laih dưi tu\ yap sang ano\ pơklaih mơ\ng ư\ rơpa [un rin, Điểu Sang hăng mơnuih [on sang amăng [on pơ]ruh 60 klăk prăk pioh dăng hre\ apui lơtrik, pơke\ apui lơtrik bơnga] jơlan plơi Ol Bu Tung kiăng mơmo\t mlam rô nao rai bơnga]. Huăi hơmâo tơlơi dop kưp:

‘’Hlâo kơ aka [u hơmâo apui lơtrik bơnga] jơlan plơi, tơlơi rô nao rai mơmo\t mlam hu\i biă mă, juăt hơmâo arăng dop kưp.

 Laih hơmâo apui lơtrik bơnga], yua ană plơi pla pơ]ruh dăng hre\ apui lơtrik tơlơi hơdip mơda mơak biă mă, mơmo\t mlam rô nao rai rơđah rơđong, lăng hyu djop sang bơnga] soh. Tơlơi do\ dong [ong huă mơnuih [on sang pơđ^ kyar tui’’.

Ayong Y Đoan, khua [on Ol Bu Tung ruai glăi, lơ\m 7 thun pơ klôn adih, mơnuih [on sang amăng plơi tơnap tap biă mă, tơlơi bơwih [ong huă, mă bruă apah đô] e\p prăk laih anun pơhrui glăi mơ\ng bruă hmua [u hơđong ôh.

Hơdôm thun giăm anai, hơmâo jơlan hơdră kơnuk kơna, ping gah djru, anun tơlơi hơdip mơda đ^ đăi go\ amo\.

Mơnuih [on sang dưi ]an prăk mơ\ng sang bruă prăk kơnuk kơna djru mơnuih tơnap tap, arăng pơtô brơi hơdră ngă hmua pla pơjing, rông hlô mơnong.

Mrô sang ano\ [un rin amăng plơi hro\ trun, ră anai do\ 18 boh sang ano\ [un rin hăng giăm [un rin:

‘’Ră anai mơnuih [on sang thâo ngă tui boh thâo ia rơgơi, thâo pla kơphê trơ\i than, pruai hơbâo kmơ\k, pruih ia djơ\ hơdră, anun lơ\m sa hektar dưi pơhrui glăi 3 tơn kơphê asar krô.

R^m thun Khua mua anom bruă gah djuai ania brơi mơnuih rai pơtô kơ ană plơi pla hơdră wai lăng đang kơsu, đang kơphê, boh `ông hăng bruă ]em rông hlô mơnong.

 Prăk ]an le\  kơnuk kơna brơi ]an kơmlai [iă, anun hơmâo prăk blơi măi mok, blơi đing pruih ia kơphê pioh kơ mơnuih [on sang pơđ^ kyar tơlơi hơdip mơda, bơwih [ong huă hơđong hloh’’.

Ơi Phạm Văn Hải, Kơ-iăng Khua jơnum min să Quảng Tín brơi thâo, [u hơjăn [on Ol Bu Tung ôh, wơ\t 4 boh [on mơnuih djuai ania [iă amăng să lêng kơ đ^ [iă laih tơlơi hơdip mơda.

Hơdôm thun rơgao, hăng bruă mă tong ten djru prăk ]an kơmlai [iă, [ing khua mua apăn bruă pơsur tơlơi ngă hmua pơtô ba mơnuih [on sang hơdră ngă hmua pla pơjing hơdră phrâo, lu mơnuih bơblih tơlơi pơmin, pran jua mă bruă, hơdră bơwih [ong anun đ^ đăi go\ amo\ yơh.

Mơnuih djuai ania [iă thâo ngă hmua pe\ boh troh pioh s^ mơdrô e\p prăk mơ\ng đang hmua pô ta:

‘’Ră anai amăng kual plơi pla mơnuih djuai ania [iă pơđ^ kyar laih, lu sang ano\ thâo hluh hơdră bơwih [ong huă kiăng pơklaih mơ\ng tơlơi ư\ rơpa.

Amăng anun, lu sang ano\ dưi ]an prăk kơnuk kơna djru kơmlai, boh nik `u prăk ]an mơ\ng sang bruă prăk pioh kơ mơnuih [un rin pioh tuh pơ alin hăng wai pơgang phun pla rông hlô mơnong, pơđ^ kyar kiăng pơklaih  [un rin, [u ^n glăi kơ Ping gah kơnuk kơna djru soh sel dơ\ng tah’’.

{on Ol Bu Tung ră anai hơmâo bơblih hơbo# phrâo laih, tơlơi hơdip mơda mơnuih [on sang kah hăng buh ao phrâo, drơi jăn hiam tui.

Boh tơhnal mơ\ng [on Ol Bu Tung dưi ngă le\, yua hơmâo tơlơi gum pơgôp djuai ania, hrưn đ^ hăng pran jua pô, găn rơgao tơlơi tơnap tap.

Hăng jơlan hơdră djru mơ\ng Ping gah, kơnuk kơna, mơnuih [on sang tuh rơyuh pran jua mă bruă, ha pran jua man pơdong plơi pla kiăng kơ jai hrơi hiam hloh, pơdrong asah.

Nay Jek: Pơblang hăng pôr