VOV4.Jarai-Mơguah lơ 30/8, Group Phương Trang ăt djru kơ ƀôn prong HCM rơbêh 2000 mơta gơnam yua gah ia jrao pioh pơhlôm, pơgang klin Covid 19. Rơđah biă mă ñu, glông dăp gơnam yua gah ia jrao anai lu biă mă hơmâo 2 boh măi suă pran kơtang, 115 boh măi suă pran anăn HFNC pơmut Oxy hăng điện tử laih anun hơmâo dơ̆ng 2000 boh măi dar pơjing Oxy dưi ba hyu djop anih. Hơdôm boh măi suă pran kơtang ba pơpha kơ sang ia jrao 30/4, Ding jum kông an anih pơjrao lu tal kơ mơnuih ruă Covid 19 Nhà Bè phrâo akŏ pơdong.

Hơdôm boh măi djru suă pran pơjrao mơnuih ruă djơ̆ Covid 19

 Hơdôm boh măi pơjing rai Oxy ba glăi pơ anom bruă ia jrao, sang ia jrao tơhan pơdong jăng jai…amăng ƀôn prong HCM pioh bơwih brơi kơ bruă pơjrao mơnuih ruă ƀă kman Covid 19. Hlâo kơ anun, Group Phương Trang hơmâo blơi 99 boh rơdêh Toyota 16 boh grê phrâo pơkra thun 2021 pơjing rơdêh pơgiăng mơnuih duăm ruă gah ia jrao pioh hyu pơgiăng mơnuih ruă djơ̆ Covid 19 hmao kru ba pơjrao ƀơi ƀôn prong HCM hăng hơdôm tơring čar pơkŏn…, pơđĭ tui mrô rơdêh hơmâo 325 boh rơdêh 16 boh grê, pơjing rơdêh pơjrao duăm ruă soh.

Mơ̆ng blan 6/2021 truh ră anai hơmâo rơbêh 500 boh rơdêh mơ̆ng group anai pơtum abih 1000 čô mơnuih ngă bruă mơgăt rơdêh pioh djru hrom bruă pơhlôm, pơgang klin Covid 19.

Nay Jek: Pơblang