VOV4.Jarai - Dong mơng hơdôm kual glu\t hlu\ lui lơi hong, neh wa djuai ania Bơnông [ơi [ôn Pi Nao, să Nhân Đạo, tơring glông Dak R’lấp, tơring ]ar Daknông hăng tơlơi gum djru mơng gong gai [ơi tơring ]ar hmâo pơplih jing hmua pơdai hmâo lu bôh, pơđut tơlơi rơpa giăm bơyan tơju\ pla.

 

Hăng bơyan pơdai pơhrui glăi lu amăng thun rơgao, neh wa hmâo rah pơdai giong laih amăng bơyan phang anai djơ\ hrơi kiăng ]ơkă bơyan bơnga phrâo hmâo lu dong pơdai.

           

Dlăng hmua pơdai mơng [ôn Pi Nao dưi gôm anah phun pơdai mơda djư\t, [ia\ mơnuih thâo anun le\ sa bruă pơplih phrâo phun pla mơng neh wa djuai ania Bơnông. Mơng đưm hlâo neh wa kơnong thâo jah, ]uh asôk rôk laih anun tơju\ pla hmua kơdư.

 

Bơyan mơyan mơng neh wa biă `u hluai tui kơ ia hơjan thun hmâo, thun rơngiă ngă tơlơi hơd^p mơda bưp lu tơlơi tơnap, kơ[ah rơpa na nao amăng tal giăm bơyan tơju\ pla.

           

Kiăng djru neh wa [ôn Pi Nao hơđong tơlơi hơd^p mơda, hrưn đ^ tơtlaih mơng rin rơpa, thun 2019 Anom bruă đang hmua hăng pơđ^ kyar [ôn lan tơring glông Dak R’lấp, tơring ]ar Daknông hmâo pơsur laih neh wa ngă hmua [ơi lo\n dro\p lui lơi hong.

 

Khul hlăk ai dưi iâu pơhrui mơng lu [irô, anom bruă nao djru [ôn Pi Nao jah ngă hmua.

 

Pran măi hăng pran mơnuih kơnong kơ hơdôm hrơi hơdôm anih hmâo bôh pơtâo, po\ng kyâu hmâo rơmet agaih laih.

 

Hmua pơdai rơbêh kơ 8 ektar klă hiam dưi pơ pha dưm kơnar kơ neh wa amăng [ôn ngă hmua ia.

 

Ayong Y Cương [ơi [ôn Pi Nao brơi thâo, gơnang kơ hmâo pơdai hmua ia. Sang ano# [u hu^ rơpa, đing nao bơwih brơi đang bôh `ông hăng kơ phê anun hmâo tơtlaih laih mơng [un rin, Tết anai mơ-ak hloh.

           

“Mơng hrơi ngă hmua ia sang ano# [u bơngot kơ braih huă dong tah. Hrom hăng tơlơi gum djru mơng kơnuk kna sang ano# hmâo pla plah hmâo rơbêh kơ 2 ektar đang kơ phê hăng bôh `ông.

 

Bơyan phrâo rơgao pơhrui glăi bôh `ông hăng kơ phê kơ sang ano# hmâo giăm truh 30 klăk prăk.

 

Mơng prăk gum pơ]ruh sang ano# blơi dong 3 drơi rơmô pioh rông. Thun phrâo 2019 kâo gir run bơwih brơi pơdai, đang kơ phê, rông rơmô kiăng `u tuh ană pioh sang ano# jai hrơi jai đ^ kyar hloh”.

           

Bơyan bơnga truh [ơi Pi Nao

Hlâo adih sit truh hrơi giăm bơyan tơju\ pla, sang ano# ayong Y Mam juăt hyu dlai wok rơbung, pe\ a`ăm dlai, hyu du` dong hơbơi plum kiăng hmâo ano# [ong ano# huă.

 

Mơng hrơi gum hrom jah hmua, ngă hmua pơdai sang ano# [u rơpa kơ braih huă dong tah.

 

{u djơ\ kơnong kơ pơhlôm braih huă kơ sang ano#, mrô pơdai rơbêh ayong Y Mam do# yua pioh rông un, mơnu\ pơđ^ kyar bơwih [ong.

 

Ayong Y Mam ]ang rơmang thun phrâo 2019, Kơnuk kơna ngă gal brơi măi mok djru neh wa jah agaih hmâo lo\n ngă hmua pơdai kiăng pha brơi kơ m[s.

           

“Bơni kơ Ping gah, Kơnuk kơna tuh pơ plai kơ neh wa amăng [ôn ngă hmua pơdai 10 thun hăng anai, gơnang kơ hmâo hmua pơdai neh wa [u do# sang ano# hơpă rơpa dong tah.

 

Ră anai amăng [ôn jai hrơi jai hmâo lu dong sang ano# phrâo anun neh wa [ôn Pi Nao ]ang rơmang Ping gah, Kơnuk kơna djru neh wa jah ngă hmua pơdai phrâo giăm anun pha brơi kơ neh wa pioh pơđ^ kyar bơwih [ong. Kiăng [ôn [u do# sang ano# rơpa, sang ano# [un rin”.

           

{uh bôh tơhnal phun pơdai hmua ia, thun rơgao, hơdôm bôh sang ano# amăng [ôn Pi Nao jah agaih dong pioh pơhư hmâo dong giăm truh 14 ektar.

 

Hrom hăng anun, hnoh ia dưi pơkra, hmâo yua kơ bruă pơđoh tơbiă ia kơ hmua pơdai amăng bơyan hơjan, laih anun hmâo ia pruih amăng bơyan phang dong.

 

Jơlan [ê tông ăt dưi pơhư prong truh tơl hmua ia mơn, ngă brơi bruă nao rai hăng du\ pơgiăng gơnam tam gêh gal biă. Ơi Điểu K Bang – Khoa [ôn Pi Nao brơi thâo, neh wa amăng [ôn hlơi hlơi leng kơ dưi pha brơi hmua ia; tui hluai kơ mrô mơnuih amăng rim sang ano#.

 

Neh wa [u djơ\ kơnong kơ dưi pha brơi pơjeh pơdai phrâo ôh mơ\, do# dưi hmâo mơnuih apăn bruă mơng Anom bruă đang hmua hăng pơđ^ kyar [ôn lan tơring glông pơtô brơi [ơi anăp hơdră ngă hmua pơdai hmâo lu bôh:

           

“Hlâo adih neh wa akă hmâo tơlơi găn rơgao, akă thâo ngă hmua ia anun pơdai pơhrui glăi [ia\, sa ar hmâo mơng 3 truh kơ 4 tă.

 

Tơdơi kơ anun dưi hmâo mơnuih pơtô brơi dong, mă yua bôh thâo phrâo, mă yua kơmok pruai, jrao pơgang phun pla anun mrô pơdai bôh lu mơn, kah hăng bơyan bơnga thun 2017-2018 phrâo rơgao đ^ mơng 5-7 tơn lon sa ektar.

 

Neh wa ră anai jai hrơi thâo mă yua bôh thâo phrâo amăng bruă ngă đang hmua anun pơdai hmâo lu bôh”.

           

Ơi Phạm Quốc Vượng, Khoa Anom bruă đang hmua hăng pơđ^ kyar [ôn lan tơring glông Dak R’lấp, tơring ]ar Daknong le\ mơnuih hmâo tơlơi pơmin jah agaih lo\n dro\p ngă hmua pơdai anai brơi thâo, bruă ngă hmua pơdai ia hăng djuai ania Bơnông [ơi [ôn Pi Nao le\ yak pơplih phrâo yôm phăn.

 

Hơd^p juăt hăng kual lo\n anai rơbêh kơ 35 thun, ơi Vượng thâo hluh phun kơ tơlơi pơhiăp bruă mă mơng djuai ania Bơnông; hrom hăng neh wa blư\ kup blư\ đang kiăng pu\ đuăi rim bôh pơtâo, bư\ jing kueng hmua pơdai, pơtô brơi hơdră ngă hmua dăo tơpă laih anun rah pơdai.

 

Rim thun, tơring ]ar leng kơ djru pơjeh pơdai, kơmok pruai, pơkiăo nao mơnuih pơtô brơi bôh thâo phrâo.

 

Truh ră anai, mơnuih djuai ania Bơnông [ơi [ôn Pi Nao hmâo hre] laih bruă ngă hmua ia hmâo lu pơdai.

 

Ơi Phạm Quốc Vượng pơsit, hrom hăng pơdai hmua ia, neh wa [ôn Pi Nao do# dưi djru hơdôm pluh rơbâo anah phun kơ phê kiăng pla plah glăi amăng đang phun bôh `ông, sit `u hơdôm thun pơ anăp anai amra đ^ kyar hloh.

           

“Gah đing nao hăng hơdôm bôh plơi pla neh wa djuai ania [ia\ amăng plơi kơ anom mă yua abih bang plơi hmâo apui lơtr^k, hmâo jơlan nao rai, hmâo sang hră, hmâo sang ia jrao.

 

Khă hnun hai đing nao hloh amăng jơlan hơdră pơdo\ng plơi pla phrâo ăt le\ tơhnal mrô 13 gah pơ phun bruă ngă đang hmua.

 

Pơsit jơlan gah mơng gơnong bruă đang hmua tơring glông Dak R’lấp thun 2019 amra pơsir abih bang [ôn hơpă leng kơ hmâo phun pla [ia\ hrơi, biă `u đing nao neh wa djuai ania [ia\ hơđăp [ơi anai amra hmâo khul mơnuih nao rim plơi pla pơtô brơi rơđah kơ neh wa pơplih hơdră sa, dua phun pla djơ\ hăng bôh thâo ngă đang hmua mơng neh wa djuai ania [ia\”.

           

Đuăi mơng plơi Pi Nao lom yang hrơi ]ơtlam, lăng anah pơdai mơda djư\t amăng angin hăng tơlơi pe\ tlao mơng m[s tơdơi kơ ]ua\ hmua pơdai.

 

Khă [u lăi tơbiă samơ\ djop mơnuih leng kơ hmâo hrom tơlơi ]ang rơmang sa bơyan pơdai jor dong truh hăng neh wa djuai ania Bơnông [ôn Pi Nao amăng thun phrâo Kỷ Hợi 2019./.

Siu H’ Prăk: Pô ]ih hăng pôr