Anai lĕ kơčăo bruă pơsur ngă hmua mơ̆ng dêh čar plah rơwang thun 2022-2024, dưi pok pơhai tui hơdră akŏ pơjing hơbô̆ bruă pla, wai lăng tong ten đang boh troh (boh kruă hrĕ, boh sầu riêng, boh ƀơr hăng boh mit) tui tơhnal pơkă VietGAP, hăng anih pla truh 220 ha ƀơi 3 boh tơring čar Dak Lak, Dak Nông, Gia Lai.

Ƀơi mông jơnum, ƀing khua mua lăi lĕ, mơ̆ng boh tơhnal klă hiam amăng kơčăo bruă hlâo, djop sang bruă wai lăng gah bruă ngă hmua, gong gai kơnuk kơna kiăng hơmâo akŏ bruă ba boh tơhnal anai amăng bruă ngă hră pơtrun, pơtô brơi mơnuih ngă hmua ba yua djơ̆ boh thâo ia rơgơi pla boh troh sĭ mơdrô djơ̆ hơnơ̆ng pơkă hiam VietGAP, kiăng plai ƀiă ngă bơbeč sat kơ ayuh hyiăng hăng pơjing rai gơnam sĭ mơdrô hơdjă rơgoh, rơnuk rơnua, hơmâo anih pơčrâo rơđah phun tơdŭ,anih pla pơjing hăng lir hơbit hăng anih anom blơi yua, kiăng pơđĭ kyar bruă pla boh troh sĭ mơdrô hơđong amăng kual.