Đơ đam tơring čar Kon Tum ră anai hơmâo 35 anom ngă hrŏm, grup ngă hrŏm, anom bruă sĭ mơdrô hăng giăm 800 hơbô̆ bruă ngă hmua blôk yua kơ ƀing tơhan hơđăp ngă pô. Hơdôm hơbô̆ bruă rông rơmô, rông bê tuh ană mơ̆ng khul tơhan hơđăp ƀơi 2 boh tơring glông Ngọc Hồi, Đak Glei; hơbô̆ bruă rông rơnung amăng dơnao hlŭ yua khul tơhan hơđăp tơring glông Sa Thầy; hơbô̆ bruă pla phun kyâo jrao mơ̆ng Khul tơhan hơđăp tơring glông Tu Mrông, hơmâo ba glăi boh tơhnal bơwih ƀong huă lu biă mă, laih anun djru ba hơdôm rơtuh čô tơhan hơđăp dưi pơklaih mơ̆ng ƀun rin ư̆ rơpa.

Yua ngă klă bruă ngă hrŏm tơhan hơđăp djru ba tơdruă pơklaih mơ̆ng ƀun rin, bơwih ƀong huă rơgơi, 5 thun rơgao mrô sang anŏ ƀun rin amăng khul hrŏ trun mơ̆ng 16 dŏ 8%.