Thun 2024, nua gơnam mă mơ̆ng đang hmua, đang kyâo hăng akan hơdang tơring čar Dak Lak him lăng hmâo rơbêh kơ 23.500 klai prăk, lu hloh 1,4 wot bơhmu hăng hơnong ñu pơkă hrŏm đơ đam dêh čar, djru prong amăng pơđĭ kyar bơwih ƀong hrŏm mơ̆ng tơring čar.

Hơdră pơkă ngă đang hmua mơ̆ng tơring čar glăk amăng ƀrư̆ dưi pơplih pơkra tui jơlan gah phrâo, pơlar wot prong hăng dơlăm, ngă tui anô̆ gal mơ̆ng rim anih anom, nao hrŏm hăng tơlơi kiăng blơi yua, klă hăng ayuh hyiăng hăng mut hrŏm hăng jar kơmar. Tơring čar Dak Lak pơplih phrâo dong hăng pơđĭ dlông bôh tơhnal hơdôm hơdră pơphun bruă ngă đang hmua hăng pơsur ngă pơhưč anom bơwih ƀong tuh pơplai kơ bruă ngă đang hmua. Thun 2025, bruă đang hmua Dak Lak ba tơbiă tơhnal pơkă bruă hrưn đĭ hmâo abih bang gơnam tam mơ̆ng đang hmua, đang kyâo, akan hơdang ƀơi anai hmâo 24.700 klai prăk, hnoh ia pơhlôm yua brơi rơbêh kơ 85% kual lŏn ngă đang hmua./.