Amăng 5 thun pơ anăp, anom bơwih ƀong him lăng pơđĭ kyar drông war prong 2 klăk drơi un, pơlir hăng bruă pơkra gơnam ƀong hăng pơkra mơnong un ƀơi ƀon lan. Grup Muyuan brơi thâo, bruă rông hlô tuh pơ alin ƀơi Gia Lai pơkra sir mơng pơkra gơnam ƀong, bruă rông truh pơkra mơnong, pơlir hăng hơdôm anih pơkra gơnam djru tui tlôn hăng anih pơkra hmơk. Amăng anun, drông rông man pơkra ƀơi să Pờ Tó, pơphun man pơkra mơng kơnôl 11/10/2026, gir run giong tơdơi kơ 12 blan.

Kiăng hơdôm ring bruă pơkŏn dong amăng akŏ bruă anai hơmâo pok pơhai hmao tlôn, Khua Jơnum min mơnuih ƀon sang tơring čar Gia Lai Phạm Anh Tuấn rơkâo djop gơnong bruă, sang bruă hăng să Pờ Tó ječ ameč pơsir hĭ hơdôm bruă apui lơtrik, ia yua, lŏn mơnai hăng brơi man pơkra tui tơlơi glăm ba; črâo ba ngă hră pơ-ar hăng pran jua tui “glông mơtah”, hmao tlôn pơphô bruă kiăng pơsir hĭ gun găn djơ̆ tơlơi pơkă.