Truh akŏ blan 8, tơring čar Dak Lak kiah tuh pơ alin rơbêh 3.200 klai prăk, dưi ngă djop 33% akŏ bruă jao tuh pơ alin kơ bruă čar. Kiăng ngă giong tơhnal pơkă anun, brơi mă yua truh 68% hlâo kơ kơnôl 30/9, tơring čar Dak Lak khom ba yua dơ̆ng 4.200 klai prăk, dưm dưm hăng rim blan khom ba yua 2.100 klai prăk rim blan.

Tơring čar anai ăt dŏ 181 ring bruă, kơčăo bruă dŏ gleh glar, gun gan, jing anŏ kơđông hĭ kiăng pơsir hĭ, hnun kah hơmâo anŏ pơtrut pơđĭ kyar djơ̆ lăp. Ơi Đỗ Hưũ Huy, Khua Jơnum min mơnuih ƀôn sang tơring čar Dak Lak pơtrun hiăp djop gơnong bruă, plơi pla tañ ngă pơgiong bruă pơpha rơnoh prăk anun tuh pơ alin kơ bruă čar, hơdôm dŏ glăi khom mă yua amăng blan 8. Laih dơ̆ng, pơtum pơsir hĭ khut khăt tơlơi kơđông gah lŏn mơnai, pơsir hĭ bruă duh glăi pơklaih ala lŏn hăng bruă ngă hră pơar tuh pơ alin.