Jơnum hơmâo tơlơi mut hrŏm mơng rơbêh 150 čô khua mua lĕ ƀing pơ ala brơi hơdôm anom bruă wai lăng kơnuk kơna, khul anih anom mă bruă hăng anom bơwih ƀong sĭ mơdrô. Amăng mông jơnum, ƀing pơ ala hơmâo đing nao hwodôm bruă phun anun lĕ “Pơjing anăn apăn sĭ mơdrô”- tơlơi glêh tơnap mơng gơnong bruă braih apiăng Việt Nam, pơjing anăn apăn sĭ mơdrô dêh čar brơi Braih Việt Nam- “Tơlơi lông hăng tơlơi dưi”.

Laih dong, ƀing rơgơi kơhnâo gah ngă hmua, hơdôm anom bơwih ƀong pơkra pơjing hăng sĭ mơdrô mơng gơnong bruă braih apiăng ăt hơmâo tơlơi pơgôp hiăp, hơdôm hơdră bruă kiăng dưi pơjing anăn apăn sĭ mơdrô dêh čar brơi kơ braih Việt Nam. Hơnong pơkă mơng jơnum anai lĕ hơmâo mông pơlăi nao rai, jak iâu tơlơi mut hrŏm mơng ƀing rơgơi kơhnâo, anom bơwih ƀong sĭ mơdrô hăng hơdôm anom bruă wai lăng rơgơi amăng bruă anai, kiăng ba tơbiă hơdôm tơlơi rơkâo sit nik, pơgôp pơjing anăn apăn sĭ mơdrô braih Việt Nam jai hrơi hơđong kjăp amăng jar kmar.