Tui mrô jŭ yap lăi pơthâo kual glai rưng thun 2023 ƀơi hơdôm boh tơring čar kual Dap kơdư; đơ đam glai rưng ƀơi kual Dap kơdư rơbêh 2,5 klăk ektar, amăng anun, glai rưng hơđăp giăm 2,1 klăk ektar, dưm dưm 81%, glai pla glăk giăm 500 rơbâo ektar, dưm dưm 19%. Kual Dap kơdư hơmâo giăm 13.000 čô mơnuih wai lăng glai anai lĕ hơdôm boh sang anŏ, ƀing mơnuih, ană plơi pla, wai lăng rơbêh 127.000 ektar. Git gai mông jơnum, Khua anom bruă wai lăng glai rưng Bùi Chính Nghĩa brơi thâo, bruă jŭ yap glăi glai rưng lĕ akŏ phun kiăng kơ kiăo tui lăng kyâo glai hăng lŏn glai rĭm thun hăng bruă dăp hơdră, akŏ bruă wai lăng, pơđĭ kyar glai rưng mơng gơnong glông truh pơ ƀon lan.

Laih dong anai lĕ mrô jŭ yap gêh gal brơi bruă jao glai pơlir hăng bruă jao lŏn glai hăng jing hơdră ngă tui bruă apah prăk wai lăng glai rưng. Bruă jŭ yap glai rưng hơmâo Kơnuk kơna git gai kiăng pơgiong amăng thun 2025, yua anun ƀon lan amra ƀu kơdun dong tah hăng kiăng kơtưn ƀiă dong amăng bruă git gai, pok pơhai bruă jŭ yap glăi glai kyâo.