Anai lĕ thun tal 3 na nao Khua tơring čar Dak Nông jơnum bưp mơnuih ngă hmua. Rơbêh 130 mơta tơlơi tơña, pơgôp hiăp, rơkâo đĭ mơ-it amăng mông jơnum. Hơdôm tơlơi tơnap tap, gun gan amăng bruă ngă hmua, mơnuih ngă hmua, plơi pla, jơlan hơdră pơhlôm nua amăng bruă ngă hmua; ngă hmua pla pơjing djơ̆ găl hăng anŏ pơblih ayuh hyiăng ră anai; hơdôm tơlơi pơgôp hiăp, lăi pơthâo tơlơi pơmin phrâo dăp glăi bruă ngă hmua pla pơjing hơmâo mơ-it kơ khua jơnum min mơnuih ƀôn sang tơring čar Dak Nông.

Tui hăng tơlơi tơña anun, Khua tơring čar Dak Nông ơi Hồ Văn Mười, git gai djop gơnong bruă, anom bruă ƀơi tơring  čar, djop tơring glông, plơi prong pơtum pơsir hĭ kiăng mơnuih ngă hmua hơđong ngă bruă. Ơi Hồ Văn Mười ăt pơtrut pơsur mơnuih ngă hmua gir run hloh amăng bruă ngă hmua, boh nik ñu ngă lir hơbit djop grup ngă hrŏm, sang bruă ngă hrŏm kiăng pơtum glăi anŏ gêh găl, tơlơi kơtang pơđĭ tui bruă ngă hmua ƀơi tơring čar pơđĭ kyar hloh.