6 blan akŏ thun, bruă ba sĭ sâu riêng hơmâo rơbêh 950 klăk USD, lu hloh rơbêh kơ 31% pơhmu hăng tơđar thun hlâo. Truh abih blan 7 thun anai, dêh čar ta hơmâo rơbêh 1.200 mrô pơkă anih pla hăng 120 mrô pơkă anih anung boh sâu riêng. Amăng 5 blan dŏ glăi thun 2026 anai, sâu riêng him lăng dŏ glăi 1,2 klăk tơn, amăng anun pơ kual Dap Kơdư năng ai 850 rơbâo tơn. Hăng mrô pơkă hơmâo brơi, bruă ba sĭ sâu riêng mơ̆ng Việt Nam dưi bơwih brơi tơơi kiăng ba sĭ amăng thun 2026.

Klah čun mông mă bruă, Kơ-iăng khua dêh čar ơi Hồ Quốc Dũng lăi dlăm, tơlơi lông mơ̆ng anih mơdrô ăt kah hăng bruă kiăng wai lăng pơgang sĭ mơdrô, hơdôm anŏ tơnap gah boh thâo ia rơgơi, tơlơi kiăng hơmâo hră ĕp ƀuh anih pơkra, anŏ tơnap bơkơtưn, bơrơsua sĭ mơdrô ăt kiăng pơƀut hloh dong pơklaih brơi anŏ tơnap, tơlơi gun kiăng ba sĭ sâu riêng pơ tač rơngiao tŭ yua hloh, gir pơhrui hơmâo 4 klai dolar amăng thun anai.