Truh ră anai, tơring čar Lâm Đồng hơmâo rơbêh 109.000 ha đang hmua mă yua boh thâo phrâo; rơbêh kơ 1.200 ha đang hmua rơgơi mă yua boh thâo mrô, măi mok kơdah mă hơjăn hăng hơdôm hơdră wai lăng rơgơi hloh. Tơring čar ăt hơmâo akŏ pơjing 16 kual ngă hmua mă yua ia rơgơi hăng 7 anom mơdrô hơmâo pơsit jing anom mơdrô ngă hmua hăng boh thâo phrâo.

Ră anai tơring čar glăk pok prong tui ngă hmua rơgơi mă yua boh thâo mrô, măi pơkă ayuh hyiăng, kơdah mă hơjăn amăng bruă pla añăm, boh troh, bơnga; hơdôm hơbô̆ bruă ngă hmua hơdjă hăng kơphê, če, boh troh, phun jrao akha; Laih dong pok prong hơbô̆ bruă ngă hmua pơdar nao rai amăng bruă tơjŭ pla, rông hlô hăng pơkra gơnam mơ̆ng hmua, lăp djơ̆ hăng jơlan đĭ kyar ngă hmua mơtah hăng djơ̆ tui tơlơi kiăng mơ̆ng dêh čar blơi sĭ./.