Pơphun truh abih lơ 30/12, hơdră lăi pơthâo rơbêh 1000 mơta gơnam sĭ mơdrô hiam hloh amăng dêh čar. Anih ba pơdă gơnam sĭ mơdrô, lăi pơthâo hăng iâu pơthưr sĭ mơdrô gơnam OCOP ƀơi Đà Lạt ƀơi anih prong rơhaih 200 čơgăn dưm gơnam mơ̆ng 120 boh sang bruă sĭ mơdrô pơkra ming, djop anom bruă ngă hrŏm amăng dêh čar.

Pơ anai, hơmâo rơbêh 1000 mơta gơnam sĭ mơdrô hơmâo hră pơsit gơnam OCOP mơ̆ng 3 truh 5 asar pơtŭ mơ̆ng djop tơring čar amăng dêh čar, gơnam sĭ mơdrô pơkra ming phara mơ̆ng lu kual, tơring čar plơi pla, lăi pơthâo brơi kơ tuai rơnguai. Tui hăng yă Nguyễn Thị Hồng Quên, Khua kông ty sa ding kơna Cô Ba Chuyên, tơring čar Đồng Nai lăi, anai lĕ mông gêh găl prong biă mă pioh pôr pơthâo gơnam sĭ mơdrô mơ̆ng tơring čar, plơi pla pô kiăng pơtruh brơi kơ mơnuih ƀôn sang blơi yua amăng dêh čar hăng mơ̆ng tač rơngiao.