Hơdôm tơlơi pơgôp hiăp ƀơi mông jơnum leng kơ thâo soh, kiăng sa boh sâu riêng dưi ba nao pơ ataih, anŏ klă khŏm hơmâo mơ̆ng đang pla mơtăm. Pô pla ƀu kơnong lăng yom boh pơhrui glăi, nua sĭ rim bơyan đôč ôh, kiăng kiăo tui bruă pơkra gơnam lăp djơ̆, pơhlom hơdjă, hơmâo hră ĕp ƀuh anih pla, hăng bong kjăp anŏ klă mơ̆ng gơnam tam.

Mông jơnum lăi dlăm: pơtruh ngă hrŏm ƀu pơdơi dơ̆ bruă sang bruă bơwih ƀong sĭ mơdrô nao blơi gơnam lơ̆m truh bơyan pĕ boh ôh. Bruă gum hrŏm anai kiăng ngă mơ̆ng blung mơtăm, mơ̆ng pơtô ba hơdră pla, rông phun pla, hmư̆ hing anih sĭ mơdrô truh kơ ngă hră čih pơthâo anih pla laih anun prăp lui anih pla pơƀut sa djuai đa mơ̆ng dưi ba sĭ pơ tač rơngiao. Jơlan hơdră anai ăt kiăng ba khul pơsur ngă hmua jê̆ giăm hloh hăng mơnuih pla, pơkra gơnam, laih dong pơtruh khul pơsur ngă hmua - sang bruă mơdrô hăng mơnuih ngă hmua./.