VOV4.Jarai – Hlâo adih yua kơ tơjŭ pla hăng jơlan gah hơđăp, hluai tui kơ pô, anet raih daih anun mrô phun tơbâo ƀơi hơdôm bôh tơring glông gah Ngŏ hăng Ngŏ Dơnung tơring čar Gia Lai ƀu lu. Ră anai neh wa djuai ania ƀiă kual anai hmâo amăng ƀrư̆ ngă juăt hơdă mă yua măi mok phrâo, mă yua hơdră ngă đang hmua sir klep tui hơdră đang tơbâo ngă gru prong ba glăi bôh tơhnal bơwih ƀong prong hloh.

VOV4.Jarai - Lơ 1/2, Khul pơlir hơbit anom ngă ƀong hrŏm tơring čar Dak Lăk pơphun “Jơnum pơtrut pơsur sĭ mơdrô kơplah wah anom ngă ƀong hrŏm mơ̆ng tơring čar hăng Anom bruă Halal Việt Nam”.

VOV4.Jarai - Tlam tom brơi (30/1), ƀơi Hà Nội, Ding jum bruă hmua hăng pơđĭ kyar ƀôn lan ngă hrŏm hăng Sang bruă prăk rŏng lŏn tơnah hăng Anom bruă pơđĭ kyar kual ASIA pơphun Jơnum lăng mơ̆ng ataih amăng tivi “Ngă hrŏm kơnuk kơna - mơnuih ƀôn sang pơtrut pơčeh phrâo, pơphun ngă Kơčăo bruă 1 klăk ha pơdai braih hơdjă jơman, hơƀak ayuh hyiăng aset”.

VOV4.Jarai - Tom brơi (30/1), ƀơi plơi prong Đà Lạt, Jơnum min mơnuih ƀôn sang tơring čar Lâm Đồng pơphun Jơnum pơkă hơnong čuk pơkra plơi prong Đà Lạt hăng kual ieo gah truh pơ thun 2045.

VOV4.Jarai-Anom bruă pơsur ngă hmua dêh čar hrŏm hăng grup hyu mă bruă mơ̆ng anom bruă ngă hrŏm jar kmar dêh čar Japan (Jica) hơmâo nao čuă jơmư hăng nao truh pơ đang hmua ĕp lăng tơlơi pơhing mă bruă ƀơi hơdôm boh sang bruă ngă hrŏm đang hmua hlăk ngă tui kơčăo bruă kơtưn pơđĭ rơnoh sĭ mơdrô boh troh mơ̆ng đang hmua hơdjă rơgoh ƀơi hơdôm tơring čar pơ kual gah kơdư Việt Nam. Mơ̆ng anun, ƀuh lu mơta añăm pơtam boh troh, hơbơi pơtơi pơ anai boh hiam, klă hloh ba sĭ mơdrô amăng bơyan ƀong têt Giáp Thìn.

VOV4.Jarai- Jơnum min mơnuih ƀôn sang tơring glông Krông Pač, tơring čar Dak Lak phrâo gum hrŏm hăng hơdôm anom bơwih ƀong sĭ mơdrô pơphun ba sĭ mơdrô hruh čim čăng črah blung a pơ dêh čar Khač.

VOV4.Jarai - Hơdôm hơpluh thun giăm anai, lu mơnuih ngă hmua ƀơi plơi prong Buôn Hồ (Dak Lak) hơmâo khin hơtai pla phun bơnga đào pioh sĭ amăng bơyan ngui tết. Yua lăp djơ̆ hăng ayuh hyiăng lŏn mơnai ƀơi anai, lu phun đào bluh bơnga hiam hăng hơmâo lu mơnuih kiăng blơi. Bruă pla bơnga đào ba glăi prăk pơhrui hơđong brơi mơnuih ƀôn sang. Ră anai mơnuih pla phun kyâo anai glăk ječ ameč bơwih brơi tal rơnuč prap sĭ amăng bơyan čơkă thun phrâo Giáp Thìn 2024.

VOV4.Jarai-Phrâo anai, yua kơ ƀuh nua boh sầu riêng sĭ pơmă aka ƀu hơmâo djơ̆ ôh, djru kơ lu sang anŏ mơnuih ƀôn sang ngă hmua ƀơi tơring čar Tiền Giang pơdrong tui, anun ră anai ƀơi lu tơring amăng tơring čar mơnuih ngă hmua koh drôm lui phun boh troh hmư̆ hing gah rơngiao đang hmua pơkă hlâo, koh drôm lu phun kyâo yôm pơkŏn pioh pla pơhrua nao sầu riêng lu samơ̆ aka ƀu thâo ôh kơñ pơgi hiư̆m pă.

VOV4.Jarai – “Pơđĭ kyar Dap Kơdư khom dưm kơnar hăng mă yua ia lăp djơ̆”, anai lĕ tơlơi gum pơhiăp lăi rơđah amăng mông bơkơtuai bôh thâo phrâo “Ia hăng tơlơi hơdip mơda hăng ană mơnuih Dap Kơdư” yua kơ Khul wai lăng lŏn ia Việt Nam gum hrŏm hăng hơdôm ƀirô bơdjơ̆ nao pơphun amăng mơguah lơ 12/1, ƀơi plơi prong Buôn Ma Thuột, tơring čar Dak Lak.

VOV4.Jarai-Ngă hmua pla pơdai ƀơi Dak Lak ră anai ba akŏ amăng kual Tong krah hơdôm tơring čar treng hang ia rơsĭ laih anun amăng kual Dap Kơdư abih bang đơ đam hmua rah pơtem lĕ rơbêh 100.000 hektar.