VOV4.Jarai - Hơdôm hơbô̆ bruă pơtruh nao rai ngă gêh gal prong biă kơ Anom ngă ƀong hrŏm amăng bruă plai ƀiă huač prăk, pơkra prong, gơnam dưm kơnar, klă, ngă bruă hơđong hăng hơmâo anih blơi sĭ hơđong.

VOV4.Jarai - Bruă koh drôm, blơi sĭ kyâo ča čot giăm guai dua boh tơring čar ăt aka ƀu pơsir đut tơhnal ôh. Anai jing tơlơi pơsit mơ̆ng Jơnum min mơnuih ƀôn sang tơring čar Kon Tum hăng Gia Lai ƀơi mông Jơnum pơtŏng glăi bruă ngă tui Tơlơi phiăn ngă hrŏm wai lăng, pơgang glai rưng hăng wai lăng kyâo ƀơi guai dua boh tơring čar hơmâo pơphun tlam lơ 2/4 ƀơi plơi prong Kon Tum, tơring čar Kon Tum.

VOV4.Jarai-Dak Lak kiăng lăng glăi tơpă, glăm ba hloh jŭ yap đơ đam lŏn, rơnoh kơphê ră anai kiăng hơmâo jơlan hơdră djơ̆ lăp. Mơ̆ng anun dăp hơdră anom bruă pơkra gơnam sĭ mơdrô, pơdah thâo lu hơdră pơsir djơ̆ găl pơđĭ kyar bruă pla kơphê hơđong kjăp.

VOV4.Jarai-Ƀrô tal pơwơ̆t glăi pơ plơi rơngôl hlao ia đưm, lơ 27/3, Anom pơtô adoh gah sang hră hrăm bruă adoh suang  dêh čar Việt Nam ngă hrŏm Jơnum min mơnuih ƀôn sang tơring glông Tu Mrông, tơring čar Kon Tum jơnum jao 100.000 phun anah kyâo pla 2 thun laih brơi kơ 200 boh sang anŏ ƀun rin djuai ania Sedang dŏ amăng tơring glông.

VOV4.Jarai-Tal pơplông ĕp kơphê Việt Nam jơman hloh (Việt Nam Amazing Cup 2024) phrâo pơđut hĭ hăng kơphê ba nao pơplông lu hloh. Khul pơphun glăk gir run prap lui tal pơplông rơnuč amăng blan 4 pơ anăp hăng amra pơphun bơrơsua blơi mă ƀơi plơi prong jưh jom Hà Nội, hăng hơdôm ia kơphê jơman mă pri prong hloh amăng tal anai.

VOV4.Jarai - Prăp hlâo bruă yua ia, mă yua ia pruih kơ djŏp djuai phun pla, glăk hơmâo djŏp gong gai hăng mơnuih ƀôn sang ƀơi tơring glông Ea Kar, tơring čar Dak Lăk ngă lăp djơ̆. Ia pioh ngă hmua ăt pơhlôm mơn, pơdai bơyang puih phang ƀơi anai ăt dưi “bĕ” adai  không phang mơn.

VOV4.Jarai - Mơguah tom brơi (21/3), ƀơi Hà Nội, Ding jum bruă hmua hăng pơđĭ kyar ƀôn lan pơphun Jơnum lăi pơthâo Tơlơi pơsit mơ̆ng Khua dêh čar kơ bruă Prăp rơmet hlâo pơgang tơlơi truh lŏn adai ngă hăng bơnư̆ kŏng ia thun 2021-2030, anăp nao truh pơ thun 2050.

VOV4.Jarai-Dak Lak glăk yak nao bơyan không phang kơsing pah, mơ̆ hơdôm rơtuh rơbâo ektar phun pla djop mơta glăk kiăng pruih ia. Kiăng gơgrong amăng bruă pơgang, pơhlôm ia yua amăng bơyan phang pruih brơi phun pla, anom bruă bơdjơ̆ nao, hơdôm boh ƀon lan amăng tơring čar hơmâo ngă hăng glăk pok pơhai hơdôm hơdră pơđoh hyu ia pruih brơi phun pla lăp djơ̆.

VOV4.Jarai- Ră anai, plơi prong Đà Lạt, glăk pok pơhai 30 hơbô̆ bruă lông lăng amăng pla bơnga, hơbơi pơtơi, boh troh gah rơngiao.

VOV4.Jarai – Pơtrut kơtang bruă ngă đang hmua tui jơlan hơdjă hmâo anăn păn anih pla pơkra hăng pơlir hơbit pơđĭ kyar tui jơlan pơlir hơbit đơ đam rŏng lŏn tơnah klă hăng lŏn ngă đang hmua, kơphê mơ̆ng tơring čar Lâm Đồng jai hrơi jai pơtŏng sit anih gơgrong ƀơi anih sĭ mơdrô amăng lŏn ia ta hăng sĭ kơ dêh čar tač rơngiao.