VOV4.Jarai – Ră anai, djop gơnam đang hmua ƀơi kual Dap kơdư hơmâo kơphê, tiu, sầu riêng….hơmâo nua ƀu djơ̆ kơnong pơgôp ngă pơplih tơlơi hơdip kơ neh met đôč ôh mơ̆ ăt pok prong ba sĭ mơdrô pơ tač rơngiao. Mah bơbeč mơng Elnono ngă không phang pơ-iă hang bơdjơ̆ nao lu phun pla ƀơi kual Dap kơdư, samơ̆ mơnuih ƀôn sang ăt gir run pơhlôm brơi ia yua kiăng pơsir hĭ tơnap tap mơng ayuh hyiăng mơng anun tŏ tui ngă đang hmua pơhlôm brơi boh than ba glăi mơng bơwih ƀong huă:

VOV4.Jarai – Hơdôm hrơi rơgao, tơdơi hơdôm tal pơtô bruă, lu mơnuih mă bruă ƀơi hơdôm kual plơi pla ƀơi Dak Lak, biă ñu mơnuih djuai ania ƀiă, hmâo pơjing mă laih bruă mă, đĭ tui prăk pơhrui glăi, hơđong tơlơi hơdip mơda. Hrŏm hăng anun, bruă hrăm bruă mă ăt djru laih mơnuih ƀôn sang pok tơbiă jơlan nao phrâo lơm pơjing hơdôm grŭp ngă đang hmua, bơwih ƀong huă sĭ mơdrô ƀơi plơi pla.

VOV4.Jarai – Mơguah tom brơi (26/4) ƀơi plơi prong Buôn Ma Thuột, Anom pơtrut sĭ mơdrô – Ding jum sĭ mơdrô gum hrŏm hăng Jơnun min mơnuih ƀôn sang tơring čar Dak Lak pơphun Jơnum pơtrut sĭ mơdrô hăng pơđĭ kyar sĭ gơnam kơ dêh čar tač rơngiao kual Dap Kơdư.

VOV4.Jarai-Adai pơ-iă kơtang phang khôt sui hrơi blan ngă kơ lu đang kơphê ƀơi tơring glông Đak Hà, tơring čar Kon Tum krô hla, djai than hăng luh boh mơda abih.

VOV4.Jarai – Lơ 24/4, ƀơi Đà Lạt (Lâm Đồng) pơphun bruă pơplông ruah kơphê jơman Arabica Việt Nam tal 10.

VOV4.Jarai-Nua kơphê đĭ tui na nao amăng hrơi blan laih rơgao ngă lu mơnuih nao čan prăk kiăng kơ pla pơjing, bơwih ƀong sĭ mơdrô kơphê ƀơi tơring čar Dak Lak. Sang bruă prăk kơnuk kơna Việt Nam, anom bruă pơdong ƀơi Dak Lak git gai hơdôm anom bruă brơi čan prăk amăng tơring čar pơhlôm brơi prăk čan djơ̆ hăng tơlơi kiăng mơnuih ƀôn sang hăng anom bơwih ƀong sĭ mơdrô.

VOV4.Jarai – Pơ-iăng hang sui hrơi ngă ia amăng hơdôm bôh dơnao kŏng ia ƀơi Dak Lak hrŏ trun tañ, bơbeč truh ƀu anet bruă ngă đang hmua. Hơdôm anih anom amăng tơring čar glăk pok pơhai lu jơlan gah bŏng glăi hăng tơlơi phang khŏt.

VOV4.Jarai – Kiăng pơtrut hloh dong bruă gum hrŏm kơsem min bôh thâo phrâo măi mok amăng bruă đang hmua lăi ha jăn hăng bơwih ƀong mơnuih mơnam lăi hrŏm kơplah wah 5 bôh tơring čar hăng ƀôn prong Hồ Chí Minh, phrâo rơgao, ƀơi plơi prong Plei Ku hmâo pơphun Jơnum bôh thâo phrâo gưl kual “Lăi pơthâo nao rai mă yua bôh tơhnal phrâo măi mok amăng pơjing hơdră mă yua hơdră phrâo măi mok, măi pơkra kơmok; bruă pla, pơdjuai, pơkra gơnam, răk pioh hăng phun pla hơdôm bôh tơring čar kual Dap Kơdư”.

VOV4.Jarai – Hơdôm hrơi mơnuih pla hơbơi čin ƀơi kual Dap Kơdư ruă akô̆ hlâu yua kơ pơhrui blơi trun nua. Rơgao hăng anai 6 blan, nua sa tơn hơbơi čin ƀơi rơnoh 23 klăk prăk, anai kơnong dô̆ năng ai ñu 1/5. Ăt pla hơbơi čin, samơ̆ ƀơi plơi prong Buôn Ma Thuột (tơring čar Dak Lak), Sang bruă Sweet Potatoes glăi mơ-ak dong hăng bôh than mơ̆ng pô, gơnang kơ rơwang ngă tui kơjăp mơ̆ng bruă pơkra lŏn, ruah mă pơjeh truh bruă ba nao sĭ.

VOV4.Jarai-Sĭ mơdrô pơ tač rơngiao amăng tơring čar Gia Lai thun anai tŏ đĭ tui, hăng kơnong amăng 3 blan akŏ thun, tơring čar hơmâo 40% mrô gơnam ba sĭ mơdrô pơ tač rơngiao.