VOV4.Jarai - Mơ̆ng akŏ blan 5 truh kơ mông anai, nua kơphê trun mơ̆ng 135 klăk prăk/1 tơn jing 90 klăk/sa tơn. Ƀơi tơring čar Gia Lai, kơphê trun kơtang biă, ƀu ngă rơngiă prăk lu lơi hăng mơnuih ngă hmua, samơ̆ ngă kơ anom bơwih ƀong blơi hơdư̆ ƀiă yua bơngơ̆t.

VOV4.Jarai-Hrơi blan anai, mơnuih ƀôn sang pla boh vải thiều ƀơi tơring glông Ea Kar, tơring čar Dak Lak hlăk yak nao amăng bơyan pĕ boh pioh sĭ mơdrô. Thun anai, adai pơ-iă kơtang phang khôt ƀu lê̆ anŏ ôh, boh vải thiều pơkă hăng thun hlâo hrŏ hĭ. Khă tui anun, yua nua đĭ ƀiă, anih sĭ mơdrô hơđong, anun yơh mơnuih ƀôn sang pla boh vải thiều ƀơi Ea Kar ăt hơmâo kơmlai mơ̆n.

VOV4.Jarai-Tơring čar Lâm Đồng lĕ tơring čar ba jơlan hlâo đơ đam dêh čar amăng ngă hmua mă yua boh thâo phrâo. Hơdôm gơnam đang hmua amăng tơring čar hơmâo añăm tam, bơnga, kơphê…hơmâo ba hyu sĭ mơdrô amăng đơ đam dêh čar hăng pơ tač rơngiao. Kiăng ngă tui tơlơi gal anai kah hăng hrưn đĭ bơkơtưn mơng gơnam đang hmua amăng tơring čar, hrŏm hăng pla pơjing mă yua boh thâo phrâo, Lâm Đồng glăk pơtrut mă yua boh thâo phrâo amăng pla pơjing, pokra hăng sĭ mơdrô gơnam đang hmua hiam hơdjă, djơ̆ hăng tơlơi rơkâo jai hrơi prong tui mơng anih anom sĭ mơdrô amăng lŏn ia hăng tač rơngiao.

VOV4.Jarai-Ƀơi Hà Nội, Ding jum Bruă hmua hăng Pơđĭ kyar plơi pla jơnum “Pơtrut anŏ gêh găl ngă hrŏm amăng bruă ngă hmua” hăng hơmâo ƀuh ƀô̆ mơta hrŏm lĕ ƀing khua mua pơ ala gah bruă sĭ mơdrô hăng gah đang hmua hơdôm dêh čar ngă hmua rơgơi pơđĭ kyar hloh amăng rŏng lŏn tơnah.

VOV4.Jarai-Không phang pơ-iă hang bơdjơ̆ sat nao gơnong bruă ngă hmua amăng kual Dap kơdư. Samơ̆ pơmĭn glăi dong, bơyan không phang lĕ bơyan ba glăi tơlơi gal kơ gơnong bruă ngă hmua amăng kual. Djop phun pla anun lĕ kơphê, sầu riêng, tiu, boh ñông, mak ka…lêng glăi bluh than, bơnga, mơboh amăng bơyan phang anai. Jai pơ-iă hang boh troh jai jơman, tơdah pơhlôm brơi ia pruih, bơyan phang anai amra ba glăi anŏ yôm brơi kual Dap kơdư.

VOV4.Jarai - Bruă phang khot glăk kơtang ƀơi kual Dap Kơdư, lu đang kơphê krô apui ƀong, mơnuih ngă hmua rơngôt biă mă yua kơphê ƀu hiam lơ̆m nua glăk pơmă. Tơlơi kơđai glăi lĕ kual Dap Kơdư phang khot mah gah hlâo ia mơ̆ng 4 ia krông pơprong kah hăng: Sêrêpôk, Sê San, Đồng Nai hăng Ia krông Pa, hăng mrô ia rơbêh 50 klai m3/thun. Kual Dap Kơdư ăt hơmâo mrô ia hơjan rim thun truh kơ 100 klai m3. Ia lu samơ̆ yua hơget rim thun kual Dap Kơdư kơƀah ia soh? Phun ñu lĕ yua pơkă hơnong čuk pơkra tơdu, tuh pơ alin kơƀah, tơlơi pơmin sô hơđăp, ngă bruă phang khot ƀu thâo pơđut.

VOV4.Jarai-Mah hơmâo laih sa, dua wơ̆t hơjan akŏ bơyan, samơ̆ dŏ lu anih amăng tơring čar Kon Tum hơmâo glăi anŏ răm ƀăm phun pla hmua pơdai yua adai pơ-iă kơtang ngă, kơƀah ia pruih pơhrua hmao kru laih anun hŭi biă mă hơmâo tơlơi truh apui ƀong glai.

VOV4.Jarai-Nua kơphê đĭ kơtang hloh dong mơng hlâo anun ngă anah phun kơphê glăk kơƀah lu biă mă. Mah glăk amăng bơyan không phang pơ-iă hang, lu ia krông čroh hnoh khŏt ia, ƀing mơnuih sĭ mơdrô anah kơphê ăt hyu blơi pơƀut glăi mơng hơdôm anih pla anah pơjeh, dŏ tơguăn sĭ brơi mơnuih ngă hmua glăk kiăng biă mă amăng bơyan tơjŭ pla pơ anăp. Kơphê Việt Nam amra ƀuh lu mơnuih pla hăng pơhrui lu hă ƀu ăt dŏ tơguăn sui pơ anăp dong, samơ̆ tơlơi bơngŏt bơdjơ̆ nao pơjeh ƀu hiam glăk ƀuh ră anai.

VOV4.Jarai - Bơkơtuai hơdôm tơlơi kiăng ngă hlâo hăng ba tơbiă hơdră ngă hrŏm kơsem min ngă hmua plah wah Việt Nam hăng Australia, tlam tom brơi (lơ 7/5) ƀơi Hà Nội Ding jum ngă hmua hăng pơđĭ kyar ƀôn lan ngă hrŏm hăng Khua anih jưh pơ ala dêh čar Australia ƀơi Việt Nam pơphun “Bơkơtuai ngă hrŏm amăng bruă ngă hmua”.

VOV4.Jarai – Mơguah lơ 5/5, Ding kơna Ping gah dêh čar, Kơ-iăng Khua dêh čar ta ơi Trần Lưu Quang hmâo gum hrŏm hăng grŭp hyu mă bruă mơ̆ng Gong gai dêh čar hyu pel ĕp bruă wai lăng pơgang hăng pơgang pơgăn apui ƀong glai ƀơi tơring glông Sa Thầy, tơring čar Kon Tum.