VOV4.Jarai - Yua pơtrut tui tơlơi gơgrong bruă nao hlâo, lu mơnuih ping gah djuai ania ƀiă ƀơi Lâm Đồng khin pơplih djuai phun pla, iâu pơthưr neh met wa amăng plơi ngă hmua pla pơjing, hrưn đĭ huăi rin rơpa hăng gum hrŏm akŏ pơjing plơi pla đĭ kyar.     

VOV4.Jarai – Mơguah tom brơi (6/6) ƀơi Hà Nội, Grŭp hyu mă bruă mơ̆ng Anom wai lăng bruă rô nao rai hăng dêh čar tač rơngiao, dêh čar Khač yua kơ Triệu Tăng Liên, Kơ-iăng Khua Anom ba jơlan hlâo hmâo rai čuă dêh čar Việt Nam hăng mă bruă hăng Ding jum đang hmua hăng pơđĭ kyar ƀôn lan dêh čar.

VOV4.Jarai - Hơbô̆ bruă pla tơmun mă yua boh thâo phrâo ƀơi tơring glông Hà Quảng, tơring čar Cao Bằng ƀu kơnong ba glăi gơnam ƀong klă kơ tơlơi suaih pral đôč ôh mơ̆ ăt djru mơnuih ngă hmua anăp nao ngă hmua hơdjă, pơhrui glăi hơdôm rơtuh klăk prăk rim thun.

VOV4.Jarai – Thun 2024, lu gơnam mă mơng đang hmua hmâo anô̆ gal mơ̆ng Dak Lak leng kơ đĭ nua lăp đing nao biă, ba glăi lu tơlơi mơ-ak kơ mơnuih ngă đang hmua hăng čang rơmang kơ sa tal truh kih phrâo kơ bruă ngă đang hmua đơ đam tơring čar. Lơm rơnoh đĭ lu 2 wot mơ̆ng kơpkê, tiu ngă pơhưč lu mơnuih ngă đang hmua lĕ, djuai gơnam anai đĭ nua lu dong lĕ cacao, kah hăng pơphun amăng lăm, hmâo hrơi đa truh kơ 12.000 dolar Mi sa tơn asar krô, đĭ 4 wot bơhmu hăng thun 2023. Anô̆ klă ñu tâ̆o biă, dưi pơsit nua dlông hloh sa djuai ƀơi jar kơmar hrŏm hăng hơdôm pơplih klă ƀơi anih sĭ mơdrô, pơjing rai tơhnal gal pioh cacao mơ̆ng Dak Lak hơkrŭ glăi hăng pơđĭ kyar

VOV4.Jarai – Dêh čar ta hmâo lu gơnam mă mơ̆ng đang hmua ba jơlan hlâo rŏng lŏn tơnah... samơ̆ truh ră anai, hmâo truh kơ 80% mrô gơnam mă mơ̆ng đang hmua sĭ kơ dêh čar tač rơngiao akă pơjing anăn păn, akă hmâo logo, plăng gơnam phara ha jăn hăng akă gum hrŏm djop amăng hơdôm bruă pơlir hơbit đơ đam rŏng lŏn tơnah. Anai lĕ sa amăng hơdôm bôh than ba truh tơlơi mrô gơnam sĭ kơ dêh čar tač rơngiao lu samơ̆ ăt akă hmâo hơdôm tơlơi blung blut kah hăng hmâo lăi nao amăng tơlơi lăi pơthâo kơ ơi pang, yă dôn hăng ƀing gơyut phrâo hmư̆. Yua anun, bruă pơtrut pơjing anăn păn gơnam tam kơ mơnuih ngă đang hmua Việt lĕ bruă kiăng ječ khom ngă amăng hơdôm hrơi anai.

VOV4.Jarai-Hăng tơlơi pơsit “Ping gah ba jơlan hlâo, ană plơi pla tui tlôn”, amăng hrơi blan laih rơgao, lu mơnuih apăn bruă Ping gah ƀơi Dak Lak hơmâo khin hơtai pơplih tơlơi pơmĭn, pơplih phun pla , hlô rông, mă yua boh thâo phrâo amăng bơwih ƀong ngă đang hmua ba glăi pơhrui lu hloh. Bruă mơnuih apăn bruă Ping gah jơlan hlâo lar hyu djop anih kiăng mơnuih ƀôn sang pơplih tơlơi pơmĭn, bruă mă amăng pơđĭ kyar bơwih ƀong huă, pơgôp pơjing plơi pla jai hrơi pơđĭ kyar.

VOV4.Jarai-Tơdơi kơ plơi pla bơwih brơi tuai čuă ngui Trà Nhiên, ƀơi tơring glông Duy Xuyên, tơring čar Quảng Nam akŏ pơdong, mơnuih ƀôn sang amăng plơi pla tŏ tui pơđĭ kyar bruă bơwih brơi tuai čuă ngui anai ba glăi pơhrui lu hloh. Tơring čar Quảng Nam glăk hơmâo lu hơdră djru brơi mơnuih ƀôn sang bơwih brơi tuai čuă ngui amăng plơi pla.

VOV4.Jarai – Amăng angin rơ-ơ̆ mơ̆ng hơdôm blah hmua pơdai mơtah hlê̆, mơnuih ƀôn sang să Ia Mơ, tơring glông Čư̆ Prông, tơring čar Gia Lai glăk mơ-ak hăng pơdah hmâo lu bôh. Tơdơi kơ lu thun kơnong kơ tơguam kơ ia hơjan, gơñu hơdai nao ngă 2 bơyan sa thun, đa 3 bơyan sa thun, ba glăi tơlơi hơdip mơda jơnap hăng trơi pơđao.

VOV4.Jarai-Hăng boh tŭ yua mơng bơwih ƀong huă lu hloh hăng tơlơi črâo ba, gum djru hmao tlôn mơng ƀôn lan, hơdôm đang hmua pla phun kyâo boh troh amăng tơring čar Kon Tum hơmâo pok prong tañ hloh.

VOV4.Jarai - Hơdôm wơ̆t hơjan hlâo yôm hloh kơ mah, djru ba lu mơnuih ngă hmua pla kơphê ƀơi Gia Lai plai ƀiă laih bơngơ̆t yua phang khot amăng lu blan rơgao. Khă hnun, ră anai, lu đang kơphê glăk amăng bơyan pơadai boh jing hơmâo hlăt kơdom ƀong. Adai pơplih phara anun ngă kơ hlăt kman ƀong kơphê jai hrơi kơtang hloh.