VOV4.Jarai-Ră anai ƀơi lu tơring čar, plơi pla mơnuih ngă hmua pơtum nao bruă pla phun boh sầu riêng, tơdơi kơ hmư̆ lăi boh sầu riêng dưi ba sĭ mơdrô jơlan phun nao pơ dêh čar Khač, hrom hăng tơlơi pơhing lăi rơnoh sĭ pơmă tui giăm anai.

VOV4.Jarai - Hơdôm hrơi rơgao, lu tuai mơng pơkŏn hăng mơnuih ƀon sang amăng tơring čar hơmâo nao lăng mông ngui ngor Kơphê Buôn Ma Thuột, tơring čar Dak Lăk. Ƀơi anai, hơdôm anom bơwih ƀong hăng mơnuih ƀon sang, ƀing rơgơi kơhnâo hơmâo bơlăi nao rai kơ tơlơi rơgơi ngă hmua pla pơjing, sĭ mơdrô kơphê klă hloh.

VOV4.Jarai – Amăng rơwang Jơnum ngui kơ phê Buôn Ma Thuột tal 8, thun 2023, Ding jum đang hmua hăng pơđĭ kyar ƀôn lan dêh čar gum hrom hăng Jơnum min mơnuih ƀôn sang tơring čar Daklak pơphun bơkơtuai Pơdŏng bruă kơ phê Việt Nam klă hiam nao hrom hăng đĭ kyar mơtah hăng pơđĭ kyar kơjăp

VOV4.Jarai - Amăng hơdôm hrơi jơnum ngui kơphê Buôn Ma Thuột tal 8, Gơnong bruă ngă hmua hăng pơđĭ kyar ƀon lan tơring čar Dak Lak gum hrŏm hăng kông ti pơčruh ngăn pơkra kmơk Bình Điền pơphun tal pơplông mơnuih ngă hmua rơgơi thun 2023.

VOV4.Jarai – Bruă pơplông pơkra kơ phê mơñum Việt Nam thun 2023 lĕ sa amăng hơdôm tơlơi kiăng lăi nao mơng Jơnum ngui, djru ngă tui tơhnal pơkă, ngă brơi Buôn Ma Thuột jing anih nao mơng kơ phê rŏng lŏn tơnah

VOV4.Jarai – Pơphun mơng lơ 10 truh kơ lơ 14/3, Jơnum ngui kơ phê Buôn Ma Thuột tal 8 thun 2023 hăng anăn ñu “Buôn Ma Thuột anih nao mơng kơ phê rŏng lŏn tơnah” hmâo hơdră prong hloh mơng hlâo truh kơ ră anai hăng 18 bruă mă phun hăng lu bruă mă anăp nao.

VOV4.Jarai-Giăm 2 wơ̆t hrơi tơjuh rơgao, djơ̆ hrơi blan pĕ tiu thun 2023, nua tiu ƀơi Dak Lak đĭ ƀiă, mơnuih pla tiu hok mơak mơ̆n pran jua, čang rơmang tiu djơ̆ bơyan hăng nua đĭ đăi djop prăk pơhrua glăi rơnoh tuh pơ alin.

VOV4.Jarai-Hơdôm tơring čar amăng kual Dap Kơdư hlăk amăng ayuh hyiăng adai pơđiă kơtang bơyan phang. Gong gai kơnuk kơna hăng djop anom bruă tơring čar amăng kual Dap Kơdư prăp lui ia bruih kơ phun pla. Laih dơ̆ng hur har pok pơhai hơdră pơhlôm hlâo hăng pơgang apui ƀong glai.

VOV4.Jarai-Amăng hơdôm hrơi anai tơring čar Lâm Đồng lăi phara hăng hơdôm tơring čar kual Dap kơdư hnun mơn, sit nik yak nao bơyan phang, Kiăng pơhlôm ia pruih brơi kơphê lĕ bruă akŏ phun, hơmâo mơnuih ngă hmua, gơnong bruă ngă hmua hơdôm boh ƀon lan đing nao, kiăng pơhlôm brơi phun pla bluh đĭ hiam rah hăng hơmâo ia pruih amăng bơyan không phang.

VOV4.Jarai-Anom bruă wai lăng pla pơjing, Ding jum ngă hmua hăng pơđĭ kyar ƀon lan phrâo hơmâo hră pơ-ar mơ-it gơnong bruă ngă hmua hăng pơđĭ kyar ƀon lan hơdôm tơring čar, ƀôn prong kual Dơnung kơ bruă pla phun sầu riêng, pơhŭi bruă pla lu đơi amra ba truh lu tơlơi tơnap pơ anăp anai.