VOV4.Jarai-Gơnong bruă Nga hmua hăng Pơđĭ kyar plơi pla tơring čar Dak Lak phrâo ngă hră pơtrun kơ bruă nao ĕp lăng ječ ameč hơdôm anih pla, sang bruă pơkra ming dưm amăng kơdung boh sầu riêng hlâo kơ ba sĭ mơdrô pơ dêh čar tač rơngiao amăng tơring čar thun 2024.

VOV4.Jarai-Hơjan lu anih amăng sui hrơi laih rơgao ngă hơdôm rơtuh ektar hmua pơdai amăng tơring glông Lak, tơring čar Dak Lak ia ling dăo, amra răm rai abih.

VOV4.Jarai - Di Linh lĕ tơring glông hmâo lu mơnuih ƀôn sang dô̆ lĕ djuai ania K’ho ƀơi tơring čar Lâm Đồng. Hơdôm thun rơgao, hrŏm hăng bruă pơđĭ kyar pơlar mơnuih Ping gah, Ping gah tơring glông Di Linh dô̆ đing nao ngă tui klă bruă ba jơlan hlâo, ngă gru hlâo mơ̆ng mơnuih ping gah djuai ania ƀiă amăng pơđĭ kyar bơwih ƀong hăng tơlơi hơdip mơda. Kơnang kơ anun, ƀô̆ mơta lu plơi pla hmâo tơlơi pơplih rơđah, amăng ƀrư̆ yak rơgao tơlơi tơnap, hrưn đĭ pơdŏng tơlơi hơdip mơda trơi pơđao, yâo mơ-ak.

VOV4.Jarai – Amăng hơdôm hrơi anai, lu kual pla sầu riêng ƀơi Dak Lak hmâo pơphun pĕ pơhrui bơyan thun 2024. Hrŏm hăng kơtưn wai lăng kơ hơđong rơnuk rơnua, lu anih anom amăng tơring čar glăk đing nao hơdôm bruă wai lăng anô̆ klă hiam bôh sầu riêng, pơtŏng sit anăn sầu riêng mơ̆ng pô.

VOV4.Jarai – Năm blan akô̆ thun anai, tơring čar Dak Lak hmâo rơnoh đĭ kyar bơwih ƀong 4,13%, akă djơ̆ hăng tơlơi čang rơmang ngă tui anô̆ gal mơ̆ng tơring čar.

VOV4.Jarai-Kual lŏn ƀơi Dap Kơdư Sipa Phin, să Sipa Phin, tơring glông Nậm Pồ, tơring čar Điện Biên jing anih pơdong glăi plơi phrâo kơ mơnuih ƀôn sang đuăi, bĕ hĭ mơ̆ng plơi pla hơđăp yua djơ̆ bruă pơdong sang măi drai apui lơtrik Sơn La. Mơ̆ng kual lŏn khăng khăi, tơlơi hơdip mơda dŏ lu tơlơi tơnap tap, mơnuih ƀôn sang khom tơpư̆ ƀong hăng tơlơi tơnap tap gleh glar, truh ră anai, yua hơmâo tơlơi gir run khut khăt mơ̆ng abih bang glông bruă kơđi čar hăng mơnuih ƀôn sang plơi pla, kual lŏn Dap Kơdư, lŏn lŏn dăo Sipa Phin hơmâo pơblih hiam tui lăng ƀlĭk hlơ hlip kơ hla đang añăm pơtam mơtah mơda, sa tơlơi čang rơmang amăng bruă bơwih ƀong huă, tơlơi hơdip mơnuih ƀôn sang đĭ tui hơđong kjăp.

VOV4.Jarai – Ơi Ksor Phiếu, djuai ania Jarai lĕ Khua plơi Blo Dung (să Ia Hrung, tơring glông Ia Grai, tơring čar Gia Lai). Khă phrâo hmâo 42 thun samơ̆ ñu dưi hmâo neh wa amăng plơi pơpŭ, đăo kơnang na nao. Kah hăng abih bang djop mơnuih amăng plơi leng kơ lăi lĕ: Hmư̆ tui tơlơi Ksor Phiếu lăi, ngă tui hơdră ñu ngă hă tơlơi hơdip mơda mơ̆ng sang anô̆ amra pơplih hăng klă hiam hloh.

VOV4.Jarai-Ƀơi tơring čar Dak lak glăk ƀuh lu mơnuih phă hĭ hơdôm phun pla sui thun hơdai nao pla boh sầu riêng hăng tơlơi čang rơmang pơhrui hmâo hmăi ƀiă. Bruă luh nao pla boh sầu riêng lu đơi amuñ ba truh lu tơlơi tơnap ƀu djơ̆ kơnong hăng mơnuih ngă hmua đôč ôh ăt bơdjơ̆ nao gơnong bruă sầu riêng dong.

VOV4.Jarai – Rơwang hrơi tơjuh rơgao, Khul khua pơ ala mơnuih ƀôn sang tơring čar Kon Tum pơphun tal jơnum amăng krah thun pioh pơsit bruă bơwih ƀong – mơnuih mơnam 6 blan akô̆ thun hăng pok pơhai bruă jao 6 blan rơnuč thun. Lu tơlơi lăi nao ƀơi tơring čar ăt dưi lăi nao mơn amăng tal jơnum anai. Amăng anun, lu tơlơi bơdjơ̆ nao truh hơdră bruă djuai ania ƀiă.

VOV4.Jarai – Khua pơ ala kơ Grŭp Khul pơlir hơbit kual Mi Kô̆ ƀơi Việt Nam amăng bơkơtuai “Lăi pơthâo hơdră mă yua bôh thâo kơ Tơlơi pơkă pơgăn phă glai hăng pơlir bruă ngă kiăng huăi phă glai, răm rai glai klô ƀơi Việt Nam” pơphun lơm lơ 12/7, ƀơi Dak Lak.